پاکستان میں عمران خان کی حکومت اگلے مہینے کی 18 تاریخ کو اپنا ایک سال مکمل کر لے گی۔
پہلی مرتبہ وفاق میں حکومت بنانے اور وزیر اعظم بننے والے عمران خان کے لیے پہلا سال کافی کٹھن ثابت ہوا۔ انہوں نے الیکشن 2018 سے قبل اپنے جلسوں میں کئی بڑے وعدے کیے تھے جن پر فی الحال زیادہ پیش رفت نظر نہیں آتی۔
عمران خان کی تقریریں اٹھا کر دیکھی جائیں تو انہوں نے ملک میں کئی انقلابی قوانین متعارف کرانے کے وعدے کیے تھے۔ تاہم، زمینی حقائق یہ ہیں کہ قومی اسمبلی میں 50 سے زائد حکومتی اور پرائیویٹ ممبر بل مختلف کمیٹیوں کے سامنے تاحال توجہ کے منتظر ہیں۔
پہلے سال کے دوران قومی اسمبلی میں اب تک کُل 10 بل منظور ہوئے، جبکہ برطانوی ایوان کی ان گنت مثالیں دینے والے عمران خان وزیر اعظم بننے کے بعد محض 12 دفعہ قومی اسمبلی آئے۔
عمران خان کی پہلے سال میں سب سے نمایاں کوششیں خراب معیشت کی بحالی اور کرپشن کے خلاف کارروائی شامل ہیں۔ معاشی اصلاحات کی کوششوں کے دوران آئی ایم ایف سے معاہدہ، روپے کی قدر میں گراوٹ اور نتیجتا ہوش ربا مہنگائی، ٹیکسوں کا دائرہ کار بڑھانے پر تاجروں کے تحفظات وغیرہ شہ سرخیاں بنتے رہے۔
کرپشن کے خلاف قومی احتساب بیورو کی سخت کارروائیوں پر عمران خان کو سیاسی گرم اور گرد آلود تھپیڑوں کا سامنا ہے، جبکہ میڈیا بھی پی ٹی آئی حکومت پر اپنے بازو مروڑنے کا الزام لگا رہا ہے۔
عمران خان کی حکومت کا پہلا سال مکمل ہونے کو ہے، ایسے میں سوشل میڈیا پر OneYearOfTabdeeli# کا ٹرینڈ زور پکڑ رہا ہے، جس میں ناقدین موجودہ حکومت پر خوب تنقید کر رہے ہیں تو حامی بھی پیچھے نہیں۔ مثلا زہرہ کاظمی کے ٹوئٹر ہینڈل سے عمران خان کے لیے دعا مانگی گئی ہے کہ ’اللہ انہیں پاکستان کی خاطر لڑنے کی ہمت عطا کرے۔ ان کا سفر بہت مشکل تھا اور آنے والے دنوں میں بھی مشکلات ہوں گی۔ امید ہے وہ اپنے وعدے پورے کریں گے۔‘
Oh God! Please give him strength to fight for pakistan! His journey was so difficult and it'll be difficult in comming days too! May he do what he promised for!#Pakistan #OneYearOfTabdeeli #FortniteWorldCup #ImranKhanOurPride #ImranKhan #PMIK #PakistanArmy #PakistanZindabad pic.twitter.com/4V65XUV0kI
— Zzehrakazmii (@zzehrakazmii) July 28, 2019
اسی طرح آئی ایم نبیہ نے لکھا ’ہمارے لیڈر نے ہمیں امید دلائی،اپنے خواب پورا کرنے کی ترقی کرنے کی تاکہ ملک کے وقار میں اضافہ ہو‘۔
Our leader who give us hope and fulfil our dreams and drive us towards progress to raise the respect of this pakistan #OneYearOfTabdeeli
— IamNabiha (@oyeenabiha) July 28, 2019
سعدیہ شوکت نے لکھا کہ ’آپ 30 سالوں کا گند ایک سال میں صاف نہیں کر سکتے لیکن آپ اس گند کے ذمہ داروں کا تعین ضرور ایک سال میں کر سکتے ہیں‘۔
#OneYearOfTabdeeli
— Sadia Shaukat (@SadiaShaukat10) July 28, 2019
You cannot clean the mess of 30 years in one year but you can expose who are responsible for all the mess this happen in one year
عفیفہ بھٹی نامی ٹوئٹر ہینڈل نے اس ایک سال پر اپنی ناراضی کچھ یوں ظاہر کی: ’بے روزگاری، ہوش ربا مہنگائی، بد حال معیشت، خوراک، کپڑے، بل، تعلیم غرض ہر چیز انتہائی مہنگی ہو چکی ہے۔ عمران خان آپ کو غریبوں کے لیے بھی کچھ کرنا چاہیے۔ آپ کی توجہ صرف زرداری اور نواز خاندان پر ہے‘۔
Unemployment, Inflation rate is too high, Economy Down, Food, Clothing, Bills, Education, everything has become hell expensive #OneYearOfTabdeeli @ImranKhanPTI you need to do something for poor as well... Your only focus is either Zardari or Nawaz & Family.
— Afifa Bhatti (@afifabhatti_) July 28, 2019
انصاف کا پاکستان نامی ٹوئٹر ہینڈل نے کہا: ’خاموشی سے قرضے لیتا پھر اشیاء سستی کرتا اور عوام کو مصنوعی خوشی دیتا 5 سال گزار کر چلا جاتا۔لیکن کپتان ہماری نہیں ہماری انے والی نسلوں کی جنگ لڑ رہا ہے۔‘
خاموشی سے قرضے لیتا پھر اشیاء سستی کرتا اور عوام کو مصنوعی خوشی دیتا 5 سال گزار کر چلا جاتا۔لیکن کپتان ہماری نہیں ہماری انے والی نسلوں کی جنگ لڑ رہا ہے...#OneYearOfTabdeeli pic.twitter.com/Gep4XkUydK
— Insaf Ka Pakistan (@InsafKaPakistan) July 28, 2019
راشد ربانی نے آئی ایم ایف سے معاہدے کے نتیجے میں ٹیکسوں کی بھرمار پر کچھ یوں لکھا: ’پی ٹی آئی کی حکومت نے ہری سنگھ کی یاد تازہ کرا دی جس نے کشمیر کے مسلمانوں پر ٹیکسوں کی بھرمار کر دی تھی۔‘
پی ٹی آئی کی حکومت نے ہری سنگھ کی یاد تازہ کرا دی جس نے کشمیر کے مسلمانوں پر ٹیکسوں کی بھرمار کر دی تھی #OneYearOfTabdeeli
— Rashid Rabbani (@rashidg56152938) July 29, 2019