5 ایسی ادکارائیں جو شوٹنگ کے دوران خطرناک حادثوں کا شکار ہوئیں
ازلا فشر 2013 میں ایک فلم 'ناؤ یو سی می' کے دوران پانی سے بھرے ایک ٹینک میں پھنس کر دم گھٹنے کا شکار ہو گئیں۔
-
1/5
ازلا فشر 2013 میں ایک فلم 'ناؤ یو سی می' کے دوران پانی سے بھرے ایک ٹینک میں پھنس کر دم گھٹنے کا شکار ہو گئیں۔ ان کی چیخیں سن کر ساتھی اداکار یہ سمجھتے رہے کہ پورا منظر فلمایا جا رہا ہے اور فلم کا حصہ ہے۔ تین منٹ اس خوفناک کیفیت میں گزرنے کے بعد آس پاس والوں کو شک ہوا اور انہیں پانی میں سے زندہ باہر نکال لیا گیا۔
-
2/5
شارلیز تھرون نے فلم 'آئین فلکس' کے دوران لڑائی بھڑائی والا ایک منظر فلماتے ہوئے جب الٹی قلابازی لگانے کی کوشش کی تو ایک دم انہیں اس طرح لگا جیسے ان کا جسم حرکت نہیں کر رہا۔ وہ زوردار دھماکے سے زمین پہ گریں تو ان کی گردن بھی مڑ گئی۔ ان کے علاج معالجے کی وجہ سے دو ڈھائی ماہ تک فلم کی شوٹنگ روکنی پڑ گئی۔
-
3/5
اوما ٹرومین فلم 'کل بل' کے سیٹ پر تو کار ایکسیڈنٹ سے زخمی ہوئی ہی تھیں، انہیں ایک مرتبہ اور بھی گاڑی سے لگنے والی ٹکر کا نشانہ بننا پڑا تھا۔ 'پرسی جیکسن اینڈ دی لائٹننگ تھیف' کی شوٹنگ کے دوران 2010 میں ایک مرتبہ جب وہ ڈھلان سی جگہ پر کوئی منظر عکس بند کروا رہی تھیں تو اچانک ان سے مخالف سمت میں کھڑے ہوئے پیئرس بروسنن کی نظر پیچھے سے آنے والی گاڑی پر پڑی۔ اس میں کوئی بھی موجود نہیں تھا لیکن وہ بڑی تیزی سے نیچے اوما کی طرف آ رہی تھی۔ کوئی ملازم گاڑی پارک کرنے کے بعد ہینڈ بریک کھینچنا بھول گیا تھا۔ پئیرس بروسنن اپنی جیمز بانڈ صلاحیتوں کو حقیقت میں استعمال کرتے ہوئے تیزی سے گاڑی کی طرف دوڑے اور اندر گھس کر ہنیڈ بریک لگا لی۔ گاڑی اوما سے چند قدم فاصلے پر رک گئی اور سارے عملے نے سکھ کا سانس لیا۔
-
4/5
2013 میں فلمائی گئی ہالی وڈ تھرلر 'دی کال' میں لڑائی کا ایک سین ریکارڈ کرواتے ہوئے ہیلی بیری ایسے برے طریقے سے زمین پہ گریں کہ ان کا سر بہت زور سے کنکریٹ کے فرش پر لگا اور وہ مکمل طور پہ بے ہوش ہو گئیں۔ خوش قسمتی سے چند دن بعد وہ صحت یات ہو گئیں اور دوبارہ شوٹنگ پر واپس آ گئیں۔
-
5/5
آسکر ایوارڈ یافتہ خاتون اداکار جینیفر لارنس 2012 میں 'دی ہنگر گیمز' کی شوٹنگ کے دوران ایک سرنگ میں گئیں تو گھپ اندھیرے میں وہاں پڑی ایک دھواں پیدا کرنے والی مشین کے خراب ہونے کا پتہ ہی نہ چلا۔ شوٹنگ سے پہلے ہی وہاں اتنا زیادہ دھواں بھر گیا کہ جینیفر بہت مشکل سے باہر آئیں اور دم گھٹ کر ہلاک ہونے سے بچ گئیں۔