نیوزی لینڈ کی جانب سے جمعے کو اچانک پاکستان کا دورہ منسوخ کرنے پر جہاں پاکستان میں شائقین اور کرکٹ حکام نالاں ہیں وہیں بھارتی میڈیا پر اینکرز کی خوشی اور طنز ان کی گفتگو سے عیاں ہے۔ 

انڈپینڈںٹ اردو نے بھارت کے مختلف ٹی وی چینلز کا جائزہ لیا ہے جن میں مشہور چینلز مثلاً زی نیوز، ٹائمز نیوز، انڈیا ٹی وی، انڈیا ٹوڈے، نیوز نیشن اور آج تک شامل ہیں۔

ان سب کے پرائم ٹائم پروگرامز اور نیوز براڈکاسٹ میں پاکستان پر طنزیہ نشتر چلائے گئے۔ 

گفتگو کے دوران کہیں دہشت گردی کے معاملے پر پاکستان پر الزامات کی بوچھاڑ کی گئی اور کہیں پاکستان سے بین الاقوامی کرکٹ اور انگلینڈ کے دورے کی منسوخی کی پیش گوئی کی گئی۔