زمبابوے کی جھیل کریبا میں مادہ دریائی گھوڑے نے اپنے نوزائیدہ بچے کی جان بچانے کے لیے اسے جبڑوں میں اٹھا رکھا ہے۔ نر دریائی گھوڑے نے بچے کو مارنے کے لیے اس پر حملہ کیا۔ دریائی گھوڑے ایسا کم ہی کرتے لیکن دریائی گھوڑوں کی زیادہ تعداد اور خشک تالاب کی وجہ سے دباؤ کا شکار ہو کر وہ اپنے بچوں پر حملہ آور ہو جاتے ہیں۔
کینیڈا کے ایک ویران فارم میں سبزی خور ممالیہ جانور ریکون (خرسک)نے 1970 ماڈل کی فورڈ کار کی ٹوٹی ہوئی ونڈ سکرین میںسر پھنسا رکھا ہے۔
جینٹو پینگوئن ’چیتا سیل‘ سے جان بچانے کے لیے دوڑ رہا ہے۔ جینٹو پینگوئن سطح آب سے نیچے اپنی نسل میں سب سے زیادہ رفتار سے تیرتے ہیں۔
جنوبی افریقہ میں زیمنگا کی نجی شکار گاہ میں جنگلی کتوں نے اکیلے چیتے کو نرغے میں لے رکھا ہے۔ ایسا نظارہ کم ہی دیکھنے کو ملتا ہے۔
امریکی ریاست الباما میں بون سیکور نیشنل وائلڈ لائف ریفیوج کے گندگی سے بھرے ساحل پر رینگتا ہوا سمندری کچھوا۔ کچھوے کی گردن کے گرد مچھلی کے شکار میں استعمال ہونے والی تار بری طرح پھنس چکی ہے۔
جنوبی جارجیا میں بندرگاہ لارسن کے قریب ایک ویڈیل نسل کی سیل برف پر سو رہی ہے۔
شمال مغربی میکسیکو میں جزیزہ نما باجا کیلی فورنیا کے ساحل پر واقع سان سان اگنیشیو جھیل میں ایک جوان بھوری وہیل مچھلی سطح آب سے نیچے نظر آنے والے دو انسانی ہاتھوں کی طرف بڑھ رہی ہے۔ یہ ہاتھ کشتی میں سوار ایک سیاح کے ہیں۔
جنگلی حیات کے بہترین فوٹو گرافر کے سالانہ مقابلے 2019 کے لیے 50 ہزار پیشہ ور اور شوقیہ فوٹو گرافروں نے اپنی تصاویر ارسال کر دی ہیں۔
اس سیکشن میں متعلقہ حوالہ پوائنٹس شامل ہیں (Related Nodes field)
مقابلے کے لیے منتخب 100 بہترین تصاویر 18 نومبر کو لندن کے نیچرل ہسٹری میوزیم میں نمائش کے لیے رکھی جائیں گی۔
مقابلے کے لیے منتخب ہونے والی تصاویر میں سے چند اوپر موجود گیلری میں دیکھی جا سکتی ہیں۔
© The Independent
