وفاقی حکومت نے ہفتے کو پیٹرول کی قیمت میں کوئی تبدیلی نہیں کی تاہم ہائی سپیڈ ڈیزل کی قیمت میں آئندہ 15 دن کے لیے 6 روپے فی لیٹر اضافہ کرنے کا اعلان کیا۔
اسلام آباد میں ہفتے کی رات وفاقی وزارت خزانہ کے فنانس ڈویژن کے جاری کردہ نوٹیفکیشن میں بتایا گیا کہ ہائی سپیڈ ڈیزل (ایچ ایس ڈی) کی نئی قیمت 284.44 روپے فی لیٹر ہو گی۔
نوٹیفیکیشن کے مطابق قیمتوں کا اطلاق 16 نومبر سے ہو گا۔
وزارت پیٹرولیم کے نوٹیفیکیشن میں بتایا گیا کہ ’حکومت نے آئل اینڈ گیس ریگولیٹری اتھارٹی (اوگرا) اور متعلقہ وزارتوں کے ان پٹ کے بعد پیٹرولیم مصنوعات کی قیمتوں میں ردوبدل کیا ہے۔‘
ٹرانسپورٹ کا زیادہ تر شعبہ ایچ ایس ڈی پر انحصار کرتا ہے اور اس کی قیمت کو افراط زر کی وجہ سمجھا جاتا ہے کیونکہ یہ زیادہ تر بھاری ٹرانسپورٹ گاڑیوں، ٹرینوں اور زرعی انجنوں جیسے ٹرکوں، بسوں، ٹریکٹروں، ٹیوب ویلوں اور تھریشر میں استعمال ہوتا ہے اور خاص طور پر سبزیوں اور دیگر کھانے پینے کی اشیا کی قیمتوں میں اضافہ کرتا ہے۔
پیٹرول بنیادی طور پر پرائیویٹ ٹرانسپورٹ، چھوٹی گاڑیوں، رکشوں اور دو پہیوں والی گاڑیوں میں استعمال ہوتا ہے اور اس کا براہ راست اثر متوسط اور نچلے طبقے کے بجٹ پر پڑتا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
حکومت پیٹرول اور ڈیزل دونوں پر تقریباً 99 روپے فی لیٹر چارج کرتی ہے۔ اگرچہ تمام پیٹرولیم مصنوعات پر جنرل سیلز ٹیکس (جی ایس ٹی) صفر ہے، حکومت پیٹرول لیوی اور کلائمیٹ سپورٹ لیوی کی وجہ سے ڈیزل پر 79.50 روپے فی لیٹر اور پیٹرول اور ہائی آکٹین مصنوعات پر 80.52 روپے فی لیٹر چارج کرتی ہے۔
مقامی پیداوار یا درآمدات کے قطع نظر پیٹرول اور ایچ ایس ڈی پر 17-18 روپے فی لیٹر کسٹم ڈیوٹی بھی لی جاتی ہے۔ اس کے علاوہ تقریباً 17 روپے فی لیٹر ڈسٹری بیوشن اور سیلز مارجن آئل کمپنیوں اور ان کے ڈیلرز کو جا رہے ہیں۔
پیٹرول اور ایچ ایس ڈی کی کھپت 700,000 سے 800,000 ٹن ماہانہ ہے جبکہ مٹی کے تیل کی تقریباً 10,000 ٹن کھپت ہے۔
مالی سال 25 میں پیٹرولیم لیوی کی وصولی 1.161 کھرب روپے تک پہنچ گئی اور رواں مالی سال میں تقریباً 27 فیصد بڑھ کر 1.47 ٹریلین روپے ہونے کا بجٹ ہے۔
