پاکستان کی صوفی اوپرا گلوکارہ سائرہ پیٹر نے لندن کے مشہور رائل البرٹ ہال میں تاریخی پرفامنس دی ہے۔
ان کی پرفارمنس نے پانچ ہزار حاضرین کے علاوہ لائیو سٹریمنگ کے ذریعے دیکھنے والوں کو بھی مسحور کیا۔
تقریب میں برطانیہ میں پاکستان کے ہائی کمشنر بھی موجود تھے جنہوں نے سائرہ کی کارکردگی کو سراہتے ہوئے کہا ’مجھے خوشی ہے میں پاکستان کی پہلی اوپرا گلوکارہ سائرہ پیٹر کی کامیابی کا جشن منانے کے لیے یہاں موجود ہوں۔ ان کی پرفارمنس شاندار تھی۔
’جس انداز سے انہوں نے مشرقی اور مغربی موسیقی، طبلہ اور ستار کو یکجا کرتے ہوئے خدا سے اپنی عقیدت کا اظہار کیا، وہ بے حد متاثر کن تھا۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
ان کا مزید کہنا تھا ’وہ کراچی میں پیدا ہونے والی پہلی اور واحد پاکستانی اوپرا گلوکارہ ہیں جنہوں نے رائل البرٹ ہال میں پرفارم کیا۔‘
تقریب میں ان کے ساتھ 500 آوازوں پر مشتمل ایک عظیم الشان کوائر بھی شریک تھا، جس میں لندن کے 40 سے زائد کوائرز کے گلوکار شامل تھے۔
اس پرفارمنس کے بعد وہ ان عظیم فنکاروں کی فہرست میں شامل ہو گئی ہیں جنہوں نے رائل البرٹ ہال میں پرفارم کیا۔
ان میں دی بیٹلز، کلف رچرڈ، میڈونا، دی رولنگ سٹونز، کوئین، کولڈ پلے، ایڈل اور باب ڈیلن جیسے فنکار شامل ہیں۔
