امریکی صدر ڈونلڈ ٹرمپ نے فیفا کے صدر جیانی انفانٹینو کی حمایت کرتے ہوئے کہا ہے کہ انہیں عہدے سے ہٹانا ایک ’بہت بڑی غلطی‘ ہو گی۔
فیفا صدر ان دنوں نے دفتر میں مبینہ افیئر اور ایک ناکام نجی سرمایہ کاری سکیم پر تنقید کا سامنا کر رہے ہیں۔
ٹرمپ نے اپنے ٹروتھ سوشل اکاؤنٹ پر ایک پوسٹ میں اطالوی نژاد سوئس وکیل انفانٹینو کو ’شاندار‘ قرار دیتے ہوئے کہا کہ انہوں نے ’اب تک منعقد ہونے والے سب سے کامیاب ورلڈ کپ، چار گنا زیادہ کامیاب‘ ورلڈ کپ کی سربراہی کی۔
ٹرمپ نے مزید کہا کہ ’اگر وہ چلے گئے تو یہ دوبارہ کبھی اتنا کامیاب یا منافع بخش نہیں ہوگا۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انفانٹینو کی ٹرمپ کی جانب سے حمایت، یو ایس ساکر کے ردعمل کے برعکس ہے، جس نے کینیڈا ساکر اور وسطی امریکہ و کیریبین کی فٹبال تنظیموں کے ساتھ مل کر فیفا کے سربراہ پر تنقید کرتے ہوئے ایک بیان جاری کیا تھا۔
انفانٹینو، جنہیں اگلے مارچ میں دوبارہ انتخاب کا سامنا ہے، نے کسی بھی غلطی کے الزامات کی تردید کی ہے۔
فیفا نے بھی اپنے زیرِ دباؤ صدر کی حمایت کی ہے اور اس ردعمل کو ’کچھ لوگوں کی جانب سے تنظیم کو کمزور کرنے کی ایک منظم اور جاری کوشش‘ قرار دیا ہے۔
دیگر فٹبال تنظیمیں، جن میں افریقی فٹ بال کنفیڈریشن اور جنوبی امریکہ کی گورننگ باڈی CONMEBOL بھی شامل ہیں، انفانٹینو کی حمایت میں ٹرمپ کے مؤقف سے اتفاق کرتی ہیں۔
