’جنید صفدر اچھا گاتے ہیں مگر وزیراعظم نہیں بن سکتے‘

مسلم لیگ ن کی رہنما مریم نواز کے بیٹے کی شادی کے دوران گانا گانے کی ایک ویڈیو کے سوشل میڈیا پر چرچے ہیں اور لوگ انہیں سراہنے کے ساتھ ساتھ سیاسی پس منظر میں تنقیدی تبصرے بھی کر رہے ہیں۔

جنید صفدر اور ان کی اہلیہ عائشہ سیف اپنی شادی کے موقعے پر  (فوٹو بشکریہ  زہرہ فوٹوگرافی)

مسلم لیگ ن کی رہنما مریم نواز کے بیٹے جنید صفدر کی شادی رواں ماہ 22 اگست 2021 کو لندن میں ہوئی، جو  تین دن گزر جانے کے باوجود سوشل میڈیا پر موضوع گفتگو بنی ہوئی ہے۔

مریم نواز ایگزٹ کنٹرول لسٹ (ای سی ایل) میں نام ہونے کی وجہ سے اپنے بیٹے کی شادی میں شرکت نہیں کرسکی تھیں، تاہم دلہا کے نانا یعنی سابق وزیراعظم نواز شریف ضرور اس تقریب میں سربراہ کی حیثیت سے موجود تھے۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

جنید صفدر کی شادی سوشل میڈیا پر خوب زیر بحث رہی۔ کبھی اس بحث کا موضوع ان کے والدین کی عدم شرکت رہا تو کبھی شادی ہال کے باہر بدمزگی، جب چند مظاہرین نے وہاں ایک چھوٹا موٹا سیاسی احتجاج کر ڈالا تھا اور نواز شریف اور مسلم لیگ ن کے خلاف نعرے بازی کی گئی۔

لیکن اس بار سوشل میڈیا پر جنید صفدر کی گلوکاری کے چرچے ہیں اور نہ صرف ان کی آواز اور انداز بلکہ گانے کا انتخاب بھی موضوع گفتگو ہے۔

بہت سے لوگوں نے اس گانے پر جنید صفدر کو دل کھول کر سراہا۔

منال فہیم خان نے ٹوئٹر پر لکھا کہ ’اگر ہر جگہ ناکامی بھی ہوئی تو جنید صفدر کے سامنے گلوگاری کا پیشہ موجود رہے گا۔‘

صحافی اور اینکر پرسن غریدہ فاروقی نے بھی جنید صفدر کے گانے کی ویڈیو شئیر کرتے ہوئے لکھا: ’واہ۔۔کیا سریلی آواز پائی ہے جنید صفدر نے۔ یقیناً یہ بھی اپنی والدہ سے وراثت میں لی ہو گی جو خوب خوش الحان ہیں۔پرانے گانوں کا ذوق اور شوق نوازشریف سےحاصل کیا ہو گا۔‘

شبنم ملک نے لکھا کہ ’بہت سے لوگ یہ سننے کے بعد آپ کے مداح بن گئے ہوں گے۔‘

سلویا وجاہت نے لکھا کہ ’شریف خاندان گلوکاری میں بہت اچھا ہے۔ شہباز شریف کے بعد اب ان کے پوتے گلوکاری میں اپنا فن دکھا رہے ہیں۔‘

جہاں جنید صفدر کی تعریف ہو رہی ہے وہیں ان کی جانب سے گانے کے انتخاب پر ٹوئٹر صارف تنقید بھی کر رہے ہیں۔

شہروز قریشی نے لکھا: ’گانے کی سلیکشن تو درست کر لیتے۔‘

ایک اور ٹوئٹر صارف نے لکھا: ’اپنی ہی شادی پر کیا ہوا تیرا وعدہ کیوں گایا جا رہا ہے؟‘

کچھ صارفین نے جنید صفدر کے گانے کو سیاست کے پیرائے میں دیکھتے ہوئے ان کے خاندان کے سیاسی پس منظر کے حوالے سے تنقیدی تبصرے بھی کر ڈالے۔

ایک صارف نے لکھا: ’جنید صفدر اچھا گاتے ہو مگر وزیراعظم نہیں بن سکتے۔‘

فاطمہ نامی صارف کا کہنا تھا: ’جو جنید صفدر کی گانے کی ویڈیو سے متاثر ہو رہی ہیں اور کہہ رہی ہیں کہ عمران خان کے پاس خوبصورت ہونے کے سوا کچھ نہیں تو ایسا نہیں۔ ان کے پاس کلاس بھی ہے اور بہترین شخصیت بھی۔‘

یہ پہلی بار نہیں کہ جنید صفدر کی ویڈیو سوشل میڈیا پر وائرل ہوئی ہے، اس سے قبل 2019 میں جنید صفدر کی صوفیانہ کلام پڑھتے ہوئے بھی ایک ویڈیو وائرل ہوئی تھی۔

 

زیادہ پڑھی جانے والی ٹرینڈنگ