نانا پاٹیکر سے پہلے فلم کامیاب ہونے کی نشانی یہ ہوتی تھی کہ شو ٹوٹنے کے بعد لوگ سینیما سے اسی فلم کے گانے گاتے باہر نکلیں ۔۔۔ پورے پورے ڈائیلاگ دیکھنے والا یاد کرے، کاپی کرے، یہ آغا حشر کے لیے سنا تھا یا اپنے ٹائم میں صرف اس ایک اداکار کے لیے دیکھا۔
زندگی کے سٹیج پہ ہم سب اپنے حصے کی اداکاریاں کر رہے ہیں، کوئی پرانی گھڑی پہن کر سادہ بن رہا ہے، کوئی ’برینڈز کا شوق نہیں‘ پہن کر گھومتا ہے، کوئی فٹ پاتھی سادگی دکھاتا ہے لیکن اپن سب جو کچھ بھی کرتے ہیں سادگی وہ ہرگز نہیں ہوتی۔
