مائیک ٹائسن کی دوران پرواز مسافر کو مکے مارنے کی ویڈیو وائرل

ویڈیو میں ٹائسن ساتھی مسافر کو گھونسے رسید کرتے ہوئے دکھائی دیتے ہیں اور اس دوران کوئی ان سے کہتے ہوئے سنائی دیتا ہے کہ ’ارے مائیک رہنے دو۔ ایسا نہ کرو۔‘

17 مئی 2008 کی اس تصویر میں سابق باکسر مائیک ٹائسن ایک دستاویزی فلم کی عکسبندی کے دوران پوز بناتے ہوئے دیکھے جا سکتے ہیں(اے ایف پی)

ایک سامنے آنے والی ویڈیو میں سابق امریکی باکسر مائیک ٹائسن کمرشل فلائٹ میں ایک ساتھی مسافر کو مارتے ہوئے نظر آ رہے ہیں۔

آن لائن نیوز ویب سائٹ ’ٹی ایم زیڈ‘ کی جانب سے حاصل کی گئی اس فوٹیج میں دکھایا گیا ہے کہ ٹائسن کے پیچھے والی سیٹ پر ایک شخص بیٹھا ہوا ہے جو سابق ہیوی ویٹ باکسنگ چیمپئن سے جوش و خروش سے بات کر رہا ہے اور ایسا کرتے ہوئے وہ پوری طرح 55 سالہ ٹائسن پر جھک جاتے ہیں۔

ایک اور کلپ میں ٹائسن پھر بارہا اس مسافر کو گھونسے رسید کرتے ہوئے دکھائی دیتے ہیں اور اس دوران کوئی ان سے کہتے ہوئے سنائی دیتا ہے کہ ’ارے مائیک رہنے دو۔ ایسا نہ کرو۔‘

ابتدائی کلپ، جس میں مذکورہ شخص کو ٹائسن کے ساتھ بات چیت کرتے ہوئے دیکھا جا سکتا ہے، میں بظاہر اس مار پیٹ کے بعد کے مناظر کو بھی دکھایا گیا ہے۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

مذکورہ شخص کے ماتھے سے خون ٹپکتا ہوا دیکھا جا سکتا ہے۔ جیسا کہ کوئی اور شخص، جو بظاہر اس کا دوست ہے، اس منظر کی عکس بندی کرتے ہوئے کہتا ہے: ’یہ جیٹ بلیو کی فلائیٹ ہے۔ میرے دوست کو مائیک ٹائسن نے ابھی مارا پیٹا ہے۔‘

’ہاں، اس نے ایسا کیا ہے۔ میں بس ان (ٹائسن) سے آٹوگراف مانگنے کی کوشش کر رہا تھا یار۔ مجھے نہیں معلوم کیا ہوا ہے۔‘

ٹائسن کے ترجمان نے اس فوٹیج پر تبصرہ کرنے سے انکار کردیا۔ دی انڈپینڈنٹ نے اس معاملے پر جیٹ بیلو ایئرلائن سے بھی رابطہ کیا ہے۔

© The Independent

زیادہ پڑھی جانے والی کھیل