کمال الدین کہتے ہیں انہوں نے اس برفانی چیتے کے بچے کو بکری کا دودھ پلا کر بڑا کیا اور وہ ان کے ساتھ اتنا مانوس ہو گیا تھا کہ انہی کے ساتھ بستر میں سو جایا کرتا تھا۔

’جب کسی نے پوچھا کہ اس چیتے کے بچے کا نام کیا ہے تو میں نے اسی وقت اچانک اسے لیو کہہ دیا۔‘

تاہم 14 ماہ تک ان کے ساتھ رہنے والا لیو 2007 میں جنرل (ر) پرویز مشرف کے دورِ حکومت میں افزائشِ نسل کے غرض سے ایک معاہدے کے تحت پانچ سال کے لیے امریکہ کے حوالے کر دیا گیا، جس کے بعد سے لیو وہیں ہے اور اسے واپس نہیں کیا گیا۔