آئی سی سی ویمنز ورلڈ کپ میں بنگلہ دیش ویمنز نے جمعرات کو پاکستان ویمنز کو سات وکٹوں سے شکست دے دی۔
جمعرات کو کولمبو کے پریماداسا سٹیڈیم میں فاطمہ ثنا نے اپنے 50 ویں ون ڈے انٹرنیشنل میں ٹاس جیت کر پہلے بیٹنگ کا فیصلہ کیا۔
پاکستان ویمنز 38.3 اوورز میں 129 رنز بناکر آؤٹ ہو گئی۔جواب میں بنگلہ دیش ویمنز نے 32ویں اوور میں تین وکٹوں پر مطلوبہ سکور پورا کر لیا۔
پاکستان کی اننگز کے پہلے ہی اوور میں معروفہ اختر نے لگاتار گیندوں پر عمیمہ سہیل ( صفر ) اور سدرہ امین ( صفر ) کو آؤٹ کردیا۔
وقفے وقفے سے گرنے والی وکٹوں کی وجہ سے پاکستان ٹیم بڑے سکور تک پہنچنے میں کامیاب نہ ہوسکی۔
رامین شمیم نے دو چوکوں کی مدد سے 23 رنز بنائے اور 17 رنز سکور کرنے والی منیبہ علی کے ساتھ تیسری وکٹ کی شراکت میں 42 رنز کا اضافہ کیا۔
سدرہ نواز 15 اور عالیہ ریاض 13 رنز بنا کر آؤٹ ہوئیں۔ کپتان فاطمہ نے 22 رنز کی اننگز کھیلی۔ ڈیانا بیگ 16 رنز بنا کر ناٹ آؤٹ رہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
لیگ سپنر شورنا اختر سب سے کامیاب بولر رہیں انہوں نے صرف تین رنز دے کر تین وکٹیں حاصل کیں جو ان کی کیریئر کی بہترین بولنگ ہے۔ معروفہ اور ناہیدہ اختر نے دو، دو کھلاڑیوں کو آؤٹ کیا۔
بنگلہ دیش کی اننگز میں اپنا پہلا ون ڈے انٹرنیشنل کھیلنے والی روبیعہ حیدر نے عمدہ بیٹنگ کرتے ہوئے آٹھ چوکوں کی مدد سے 54 رنز بنائے اور وہ ناٹ آؤٹ رہیں۔
کپتان نگار فاطمہ نے پانچ چوکوں کی مدد سے 23 رنز کی اننگز کھیلی۔دونوں نے تیسری وکٹ کی شراکت میں 62 رنز کا اضافہ کیا۔
سبحانہ موستری نے آؤٹ ہوئے بغیر 24 رنز سکور کیے جس میں چھ چوکے شامل تھے۔ پاکستان کی طرف سے ڈیانا بیگ، رامین شمیم اور فاطمہ ثنا نے ایک، ایک وکٹ حاصل کی۔
یہ 17 ویمنز ون ڈے انٹرنیشنل میچوں میں بنگلہ دیش کی پاکستان کے خلاف آٹھویں کامیابی ہے۔پاکستان نے بھی اتنے ہی میچ جیتے۔ جبکہ ایک میچ ٹائی ہوا۔
پاکستان ویمنز ٹیم اپنا دوسرا میچ پانچ اکتوبر کو انڈیا ویمنز کے خلاف کولمبو میں کھیلے گی۔
