انڈیا،جنوبی افریقہ ون ڈے: 9 مہینے بعد کوہلی کی پہلی سنچری

رانچی میں جاری میچ میں کوہلی نے 120 گیندوں پر 135 رنز بنائے اور روہت شرما کے ساتھ دوسری وکٹ کے لیے 136 رنز کی شراکت قائم کی جس سے انڈیا پہلے ون ڈے میں جنوبی افریقہ کے خلاف 349 رنز کا پہاڑ کھڑا کر پایا۔

30 نومبر 2025 کو اور جنوبی افریقہ کے درمیان رانچی میں پہلے ون ڈے میچ  کے دوران ویراٹ کوہلی سنچری مکمل کرنے کے بعد جشن مناتے ہوئے (اے ایف پی)

سٹار بلے باز ویرات کوہلی نے جارحانہ انداز میں 135 رنز کی اننگز کھیل کر انڈیا کو پہلے تین میچوں کی سیریز کے پہلے ون ڈے میں جنوبی افریقہ کے خلاف 349 تک پہنچایا۔

رانچی میں جاری میچ میں کوہلی نے 120 گیندوں پر 135 رنز بنائے اور ساتھی سٹار روہت شرما (57) کے ساتھ دوسری وکٹ کے لیے 136 رنز کی شراکت قائم کی جس سے انڈیا کو ایک چیلنجنگ ٹوٹل تک پہنچانے میں مدد ملی۔

37  سالہ کوہلی نے مارکو جانسن کی گیند پر چوکا مار کر اپنی 52واں ون ڈے سنچری مکمل کی اور بیٹ اٹھا کر شائقین کے جوش و خروش کا جواب دیا۔

اس دوران ایک انڈین فین سکیورٹی توڑ کر میدان میں داخل ہو گیا اور کوہلی کے پاؤں کو چھونے کی کوشش کی، جس کے بعد پولیس نے اسے میدان سے نکال دیا۔

دنیائے کرکٹ میں کوہلی کی ون ڈے فارمیٹ میں سب سے زیادہ ون ڈے سنچریاں ہیں جبکہ عظیم سچن ٹنڈولکر دوسرے نمبر پر ہیں جن کے 49 سنچریاں ہیں۔

کوہلی اور 38 سالہ روہت ٹی20 اور ٹیسٹ کرکٹ سے ریٹائرمنٹ کے بعد ون ڈے ٹیم میں واپس آئے ہیں۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

اس جوڑی کی موجودگی نے جنوبی افریقہ کے ہاتھوں ٹیسٹ سیریز میں وائٹ واش کی ہزیمت کے بعد انڈین ٹیم کے حوصلے بڑھائے جس کے پاس زخمی شبمن گل بھی دستیاب نہیں تھے۔

روہت کو جانسن نے 57 رنز پر ایل بی ڈبلیو آؤٹ کیا۔ انہوں نے اپنی 51 گیندوں کی اننگز میں پانچ چوکے اور تین چھکے مارے۔

فروری کے بعد اپنی پہلی سنچری مکمل کرنے کے بعد کوہلی ناندرے برگر کی گیند پر رائیان ریکیلٹن کے ہاتھوں کیچ آؤٹ ہو گئے، انہوں نے 11 چوکے اور سات چھکے لگائے۔

جنوبی افریقہ کے آئیڈن مارکرام ٹیم کے کپتان کی حیثیت سے کھیل رہے ہیں کیونکہ ٹیم کے اوپنر ٹیمبا باوما کو پہلے میچ میں آرام دیا گیا ہے۔

whatsapp channel.jpeg

زیادہ پڑھی جانے والی کرکٹ