لاہور موٹروے پر ریپ کیس کے بعد اسلام آباد کی ایک مقامی کراٹے اکیڈمی نے خواتین کے لیے دو ہفتوں کا سیلف ڈیفنس کورس شروع کیا ہے۔

اکیڈمی انسٹرکٹر عرفان بھٹی نے، جو خود بھی بلیک بیلٹ ہیں، بتایا کہ اس کورس کی کوئی فیس نہیں کیونکہ یہ کورس خواتین کے دفاع کو مضبوط بنانے کے لیے شروع کیا گیا ہے۔

کورس کے حوالے سے پہلے سیشن میں ساتویں جماعت سے لے کر یونیورسٹی کی طالبات کے ساتھ ساتھ ملازمت کرنے والی خواتین نے بھی شرکت کی۔