سابق آسٹریلوی بلے باز ڈین جونز چل بسے

بھارتی میڈیا کے مطابق ڈین جونز انڈین پریمیئر لیگ (آئی پی ایل) براڈ کاسٹرز کے ساتھ اپنے معاہدے کی تکمیل کے لیے بھارتی شہر ممبئی میں موجود تھے۔

ڈین جونز پاکستان سپر لیگ (پی ایس ایل) میں بھی کوچنگ کر چکے ہیں۔ وہ پہلے اسلام آباد یونائیٹڈ اور پھر کراچی کنگز کے کوچ رہ چکے ہیں۔(فائل تصویر: اے ایف پی)

سابق آسٹریلوی بلے باز اور معروف کرکٹ کمنٹیٹر ڈین جونز 59 سال کی عمر میں انتقال کر گئے۔

بھارتی میڈیا کے مطابق ڈین جونز انڈین پریمیئر لیگ (آئی پی ایل) براڈ کاسٹرز کے ساتھ اپنے معاہدے کی تکمیل کے لیے بھارتی شہر ممبئی میں موجود تھے۔

ڈین جونز پاکستان سپر لیگ (پی ایس ایل) میں بھی کوچنگ کر چکے ہیں۔ وہ پہلے اسلام آباد یونائیٹڈ اور پھر کراچی کنگز کے کوچ رہ چکے ہیں۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

ڈین جونز نے اپنے کرکٹ کریئر میں 52 ٹیسٹ اور 164 ایک روزہ میچز کھیلے تھے۔ وہ 1984 سے 1992 تک آسٹریلوی ٹیم کا حصہ رہے۔

 ٹیسٹ کرکٹ میں ڈین جونز نے 46.55 کی اوسط سے 3631 رنز بنائے جبکہ ایک روزہ میچز میں ان کی اوسط 44.61 تھی۔ انہوں نے اپنے کریئر میں مجموعی طور پر 6068 رنز بنائے، جن میں سات سنچریاں اور 46 نصف سنچریاں شامل تھیں۔

 اس سب کے علاوہ وہ ایک طویل عرصے تک کوچنگ اور کمنٹری بھی کرتے رہے ہیں۔

پاکستان سپر لیگ کے آغاز سے ہی اس کا حصہ بنے رہنے والے ڈین جونز کی موت کی خبر سامنے آتے ہی ان کے چاہنے والوں اور دنیا بھر کے کرکٹرز کی جانب سے تعزیتی پیغامات آ رہے ہیں۔

بھارتی کرکٹ ٹیم کے کوچ روی شاستری نے ٹوئٹر پر ان کی موت پر دکھ کا اظہار کرتے ہوئے لکھا کہ 'ڈین جونز بہت جلدی چلے گئے۔'

پاکستانی سپورٹس جرنلسٹ زینب عباس نے لکھا کہ وہ ڈین جونز کی وفات کی خبر پر شاک میں ہیں۔

پاکستان کے سابق کرکٹر اور مبصر رمیز راجہ نے اس موقع پر اپنی ٹویٹ میں کہا کہ ’ڈین جونز کی موت کا سن کر حیران ہوں۔ آپ جیسا کوئی نہیں تھا ڈینو۔ آپ ہوٹل کے کمرے میں موت کے وقت کتنا تنہا محسوس کر رہے ہوں گے، ہم مبصرین اسی سے بہت خوفزدہ ہوتے ہیں اور اس ہوٹل کے کمرے سے بے یار و مددگار چلے گئے۔ ریسٹ ان پیس میرے دوست۔‘

انڈین پریمیئر لیگ کے ٹوئٹر اکاؤنٹ سے لکھا گیا: ’ڈین جونز کی موت نے ہمیں حیران اور غمگین کر دیا ہے۔ ان کی اس کھیل کے لیے توانائی اور جذبہ ہمیشہ یاد رکھا جائے گا۔ اس دکھ کے لمحے میں ہماری نیک تمنائیں ان کے گھر والوں، دوستوں اور چاہنے والوں کے ساتھ ہیں۔‘

نوجوان کرکٹر اور ڈین جونز کی کوچنگ میں اسلام آباد یونائیٹڈ سے کھیلنے والے شاداب خان نے کہا: ’اسلام آباد یونائیٹڈ کے بڑے سٹیج پر میرے پہلے کوچ ڈین جونز نہیں رہے۔ کوچ آپ کا شکریہ، ریسٹ ان پیس پروفیسر۔‘

 

پاکستان کرکٹ بورڈ کے ٹوئٹر اکاؤنٹ سے لکھا گیا: ’پی سی بی ڈین جونز کی موت کی خبر پر غمگین ہے۔ پاکستان کرکٹ بورڈ کی جانب سے ان کے گھر والوں، دوستوں اور پوری کرکٹ دنیا سے تعزیت کرتے ہیں۔‘

بھارتی لیجنڈری بلے باز سچن تندولکر نے لکھا: ’ڈین جونز کی موت کی خبر دل توڑ دینے والی ہے۔ ایک خوبصورت شخص بہت جلدی چلا گیا۔ مجھے ان کے خلاف کھیلنے کا موقع اپنے آسٹریلیا کے پہلے دورے میں ملا تھا۔‘

زیادہ پڑھی جانے والی کرکٹ