مکڑی اکثر غیرآباد کونوں کھدروں میں جالا بنتی ہے لیکن چین میں ناقابل یقین طور پر ایک خاتون کے کان میں ایک مکڑی کو رہتے ہوئے پایا گیا ہے۔
ہسپتال میں ڈاکٹروں نے ایک ویڈیو کلپ دیکھا جس سے انہیں معلوم ہوا کہ 40 سالہ خاتون کے کان میں ایک مکڑی کا جالا موجود ہے۔
یہ بات اس وقت شروع ہوئی جب خاتون کو اپنے کان میں آوازیں بجتی محسوس ہوئیں۔ وہ اس کی وجہ جاننے کے لیے ہسپتال گئی تو یہ حیران کن انکشاف ہوا کہ اس کے کان کو مکڑی نے اپنا گھر بنا لیا ہے۔
برطانوی اخبار ’دی سن‘ کی ایک رپورٹ کے مطابق چین میں سیچوان صوبہ کے ہوائیڈونگ کاؤنٹی پیپلز ہسپتال کے طبی عملے نے جلد ہی محسوس کر لیا کہ مکڑی کے کان میں داخل ہونے سے عجیب و غریب آوازیں آ رہی ہیں اور درد ہو رہا ہے۔
یہ ایک نازک لمحہ تھا جب ڈاکٹر نے خاتون کے کان میں ایک کیمرا داخل کیا تاکہ مکڑی سے بنے ہوئے جعلی کان کے پردے کو تلاش کیا جا سکے۔
فوٹیج میں دکھایا گیا ہے کہ ڈاکٹر مریض کے دائیں کان کا معائنہ کر رہے اور خصوصی چمٹی کے ساتھ کیمرا لگا ہوا ہے۔ پھر ڈاکٹر نے دیکھا کہ ایک چیز کان کے پردے کی طرح دکھائی دے رہی لیکن وہ ایک ریشم کا جال ہے۔ جب ڈاکٹر نے اس جال کو چھیل کر کان صاف کرنا شروع کیا تو اندر سے ایک خوفناک مکڑی نکل آئی اور اس پر حملہ کر دیا۔
اس حوالے سے Otolaryngology کے شعبہ کے ڈاکٹر ہان ژنگ لونگ نے بتایا کہ مکڑی کے بنائے ہوئے ٹشو کان کے پردے سے بہت ملتے جلتے ہیں۔ انہوں نے مزید بتایا کہ جب اوٹوسکوپ پہلی بار ڈالا گیا تو کوئی غیر معمولی چیز نہیں ملی۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
’جب ہم نے قریب سے دیکھا تو لگا کہ وہاں کچھ ہل رہا ہے۔ میں نے مکڑی کے جالے کو ایک طرف دھکیل دیا تو مکڑی فرار ہونے ہی والی تھی۔ آخر کار میں نے اسے ہٹا دیا۔‘
خوش قسمتی سے خاتون کے کان میں موجود مکڑی زہریلی نہیں تھی اور خاتون کے کان کو معمولی نقصان پہنچا ہے۔
اگرچہ خاتون کا خیال تھا کہ اس کے کان میں ٹنیٹس ہے لیکن اینڈواسکوپ سے پتہ چلا کہ حقیقت میں اس کے کان کے اندر مکڑی کی افزائش ہو رہی تھی اور یہ عجیب و غریب آوازوں اور درد وں کی وجہ تھی جس کا وہ سامنا کر رہی تھی۔
ہسپتال نے لوگوں کو مشکوک چیزوں کو خود سے ہٹانے سے خبردار کیا اور مزید چوٹ لگنے کے خطرے کی وجہ سے دستیاب ہونے پر پیشہ ورانہ مدد حاصل کرنے پر زور دیا۔
انہوں نے مریض کو یہ بھی یاد دلایا کہ وہ باقاعدگی سے گھر کا خیال رکھیں اور کچرا جمع کرنے سے گریز کریں کیونکہ یہ کیڑے مکوڑوں اور کیڑوں کو راغب کر سکتا ہے۔
یہ ایسا کوئی منفرد واقعہ نہیں اور اس سے قبل بھی کئی افراد کے کانوں سے مکڑیاں نکالی جا چکی ہیں۔
