ہانگ کانگ ہوائی اڈے پر وہیل چیئر سے 11 کلو کوکین برآمد

ہانگ کانگ کے بین الاقوامی ہوائی اڈے پر کسٹم حکام نے 15 لاکھ ڈالر (12.6 لاکھ پاؤنڈ) مالیت کی ہیروئن قبضے میں لی جو وہیل چیئر کی پوشش میں چھپائی گئی تھی۔

ہانگ کانگ کے بین الاقوامی ہوائی اڈے پر برقی وہیل چیئر اور مشتبہ کوکین (ہانگ کانگ گورنمنٹ)

ہانگ کانگ کے ہوائی اڈے کے حکام نے نقل و حرکت میں مشکلات کے شکار شخص کی خودکار وہیل چیئر سے 11 کلوگرام کوکین برآمد کر کے انہیں گرفتار کر لیا ہے۔

ہانگ کانگ کے بین الاقوامی ہوائی اڈے پر کسٹم حکام نے 15 لاکھ ڈالر (12.6 لاکھ پاؤنڈ) مالیت کی ہیروئن قبضے میں لی جو وہیل چیئر کی پوشش میں چھپائی گئی تھی۔

51 سالہ شخص جن کی شناخت ظاہر نہیں کی گئی لیکن مانا جاتا کہ ان کا تعلق ہانگ کانگ سے نہیں ہے۔ مذکورہ شخص ہفتے کو کیریبین علاقے سِنٹ مارٹن کے سے پیرس کے راستے چینی کے شہر پہنچے۔

اخبار ساؤتھ چائنا مارننگ پوسٹ کے مطابق انہوں نے کسٹم حکام کو بتایا کہ وہ ایک کاریں کرائے پر دینے والی کمپنی کے ڈائریکٹر ہیں اور وہیل چیئر انہیں ان کے ایک دوست نے دی۔

کسٹم حکام نے بتایا کہ مذکورہ شخص بیساکھیاں استعمال کر رہا تھے اور الیکٹرک وہیل چیئر کو چیک ان سامان کے دو حصوں میں سے ایک کے طور پر ہانگ کانگ لائے۔

ہانگ کانگ کے کسٹمز اینڈ ایکسائز ڈپارٹمنٹ کی جانب سے جاری بیان میں کہا گیا ہے کہ ’کسٹم کلیئرنس کے دوران کسٹم حکام کو مشتبہ کوکین کی کھیپ ملی جو ان کی چیک ان الیکٹرک وہیل چیئر کے کشنز اور اس کے اس حصے میں چھپائی گئی جہاں کمر ٹکائی جاتی ہے۔‘

حکام نے مبینہ طور پر دیکھا کہ جب وہیل چیئر معمول کے ایکسرے سے گزری تو کچھ گڑبڑ دکھائی دی۔ قریب سے معائنہ کرنے پر انہیں اس بات کے اشارے ملے کہ وہیل چیئر کی سیٹ کی گدیاں اور بیک ریسٹ کو کھول کر دوبارہ سیا گیا ہے۔

کسٹم حکام کا کہنا ہے کہ واقعے کی تحقیقات شروع کردی گئی ہے۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

محکمہ نے کہا کہ وہ منشیات کی بین الاقوامی اسمگلنگ کی سرگرمیوں سے نمٹنے کی خاطر ’زیادہ خطرے والے‘ علاقوں سے آنے والے مسافروں کی جانچ پڑتال میں اضافہ کریں گے کیوں کہ کووڈ کے وبائی مرض کے دور میں لگائی گئی سفری پابندیاں اٹھائے جانے کے بعد یہ سرگرمیاں بڑھی ہیں۔

جرم ثابت ہونے کی صورت میں مذکورہ شخص کو عمر قید اور 50 لاکھ ہانگ کانگ ڈالر (5 لاکھ 30 ہزار پاؤنڈ) تک کے جرمانے کا سامنا کرنا پڑ سکتا ہے۔

ہانگ کانگ کے سرکاری اعداد و شمار کے مطابق بین الاقوامی سطح پر منشیات کی سمگلنگ کے واقعات 2021 میں 906 سے بڑھ کر 2022 میں 931 ہو گئے۔

اگست میں ایتھوپیا سے تعلق رکھنے والے 65 سالہ مسافر کو تین کتابوں کے کور میں چھپائی گئی دو کلو گرام کوکین سمگل کرنے کی کوشش کے الزام میں گرفتار کیا گیا۔

یہ پہلا موقع نہیں ہے جب ہوائی اڈے کے حکام کو وہیل چیئر میں چھپائی گئی منشیات ملی ہیں۔ گذشتہ سال نومبر میں امریکی کسٹم حکام نے نیویارک میں ایک خاتون کو اس وقت گرفتار کیا جب اس کی وہیل چیئر کے پہیوں سے ساڑھے چار لاکھ ڈالر مالیت کی کوکین برآمد ہوئی۔ یہ خاتون جمہوریہ ڈومینیک کے تفریحی مقام پنٹا کانا سے آئی تھیں۔

© The Independent

زیادہ پڑھی جانے والی ایشیا