انڈین پریمیئر لیگ 2025 کے ایک سروے میں یہ بات سامنے آئی ہے کہ پنجاب کنگز کے ٹی ٹوئنٹی پاور ہاؤس بننے کے ساتھ ساتھ مدھیہ پردیش کی ترقی بھی واضح ہوئی ہے۔
مدھیہ پردیش کے تین کرکٹرز، جو اپنی وجود کے اکثر دوران ایک غیر متوقع کرکٹ علاقے رہے ہیں، 2025 کے انڈین پریمیئر لیگ کے پلے آف میں اہم ثابت ہو سکتے ہیں جو آج یعنی جمعرات سے شروع ہو رہے ہیں۔
راجت پٹیدار، رائل چیلنجرز بنگلور کے کپتان، فرنچائز کے پہلے ٹائٹل کو حاصل کرنے کا موقع رکھتے ہیں۔ ششانک سنگھ، پنجاب کنگز کے دھماکہ خیز لوئر مڈل آرڈر کی اہم شخصیت، اپنی ٹیم کے پہلے اعزاز کی تلاش میں نمایاں کردار ادا کر سکتے ہیں۔ بائیں ہاتھ کے پیسر ارشاد خان، اپنے پہلے آئی پی ایل سیزن میں گجرات ٹائٹنز کو دوسری ٹرافی کے حصول کے لیے اہم کردار ادا کر سکتے ہیں۔
نامہ نگار سندیپ جی اور وینایاک موہنارنگن کہتے ہیں کہ ایک دفعہ بھارت کے کرکٹنگ نقشے پر غیر معروف مدھیہ پردیش اب آئی پی ایل کی ایک ترقی پذیر نرسری بن چکا ہے۔ اس ایڈیشن میں ریاست سے 11 کرکٹرز شامل ہوئے ہیں، جو انہیں اتر پردیش کے ساتھ کھلاڑیوں کی فراہمی میں پانچویں مشترکہ پوزیشن دلاتا ہے۔ ان سے اوپر کے چار ریاستیں — کرناٹک (16)، ممبئی اور دہلی (دونوں 14) اور پنجاب (12) — دہائیوں سے کھیل کے روایتی گڑھ رہے ہیں، جو مستقل طور پر ٹیم انڈیا کے لیے سٹارز پیدا کر رہے ہیں۔
سروے میٹرکس
آئی پی ایل 2025 میں شریک میں 249 کرکٹرز کے سروے میں – جن میں سے 163 انڈین ہیں۔ ان کھلاڑیوں میں وہ بھی شامل کیے گئے ہیں جو سیزن کے دوران متبادل کے طور پر منتخب کیے گئے۔ اور جہاں کھلاڑیوں نے ایک سے زیادہ ملکی ٹیموں کے لیے کھیلا ہے اور وہ جو پہلے ڈیبیو کرنے والے ہیں۔
کرناٹک، ممبئی (پلس مہاراشٹر) اور دہلی سے کھلاڑیوں کی اکثریت سامنے آنے میں کوئی حیرت نہیں ہے۔ ہیڈ کوچ رکی پونٹنگ کی وسیع ویڈیو سکارٹنگ کے ساتھ، پنجاب کنگز نے غیر منتخب ملکی ٹیلنٹ میں بھی بھاری سرمایہ کاری کی ہے۔
مدھیہ پردیش کیوں؟
چھتیس گڑھ کے الگ ہونے کے بعد رقبے کے لحاظ سے ملک کی دوسری سب سے بڑی ریاست مدھیہ پردیش کا سائز معیاری کرکٹرز کی پیداوار سے مطابقت نہیں رکھتا ہے۔ آزادی کے بعد کے دور میں انڈیا کے مرکز میں بکھری ہوئی نوابی ریاستوں کے انضمام کے بعد، ریاست سے صرف چار کھلاڑیوں نے ٹیسٹ میں حصہ لیا اور پانچ نے محدود اوورز کی بین الاقوامی کرکٹ کھیلی ہے۔
ان کے ابھرنے کی اہم وجہ منظم منصوبہ بندی اور سابق فرسٹ کلاس کھلاڑی اور انڈین کرکٹ بورڈ کے سابق سکریٹری سنجے جگدالے کی شکل میں ایک دور اندیش منتظم مانے جاتے ہیں۔
انہوں نے انڈین ایکسپریس کو بتایا کہ اس صدی کے آغاز میں ’ہم نے ریاست کو انڈیا میں پاور ہاؤس بنانے کے لیے ایک خاکہ تیار کیا تھا۔ ہمارے پاس تاریخ، ثقافت، ٹیلنٹ اور وسائل تھے۔ ہم صرف ایک ایسی جگہ چاہتے تھے جہاں ہم ان سب کو ملا سکیں اور معیاری کرکٹر پیدا کرسکیں۔ اس لیے ہم نے اندور میں ایک اکیڈمی قائم کی، جہاں ہم نے ریاست کے بہترین نوجوان کرکٹرز کا انتخاب کیا اور انہیں اعلیٰ معیار کی کوچنگ فراہم کی۔‘
ریاست بھر میں مزید اکیڈمیاں قائم ہوئی ہیں۔ خود مدھیہ پردیش کرکٹ ایسوسی ایشن کی گوالیار، ساگر، بھوپال، ہوشنگ آباد، ریوا اور جبل پور میں ذیلی اکیڈمیاں ہیں۔ نجی تنظیموں میں بھی اضافہ ہوا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
بکھرے ہوئے ٹیلنٹ کو یکجا مدھیہ پردیش کرکٹ لیگ کرتی ہے، جس کا آغاز 2024 میں ہوا تھا، جس میں اس سال سے چمبل ریجن کی ایک فرنچائز کے ساتھ ساتھ خواتین کے لیے بھی تین ٹیموں کی لیگ ہے۔
انہوں نے کہا کہ یہ نوجوان کرکٹرز کو مواقع اور تجربہ فراہم کرنے کا ایک بہترین پلیٹ فارم رہا ہے۔ یہ انتہائی مسابقتی ہے اور اگر آپ اچھی کارکردگی کا مظاہرہ کرتے ہیں تو آئی پی ایل سکاؤٹس نوٹس کریں گے۔ بھوپال کے فیتھ کلب میں کوچنگ کرنے والے سابق کرکٹر ایشور پانڈے کہتے ہیں کہ ریاست سے مزید کرکٹر ابھر سکتے ہیں۔
مقامی لیگیں
’میں ضمانت دیتا ہوں کہ وہ اس آئی پی ایل میں ایک سنجیدہ تاثر بنانے جا رہا ہے۔‘ آسٹریلیا کے سابق کپتان اور پنجاب کنگز کے نئے ہیڈ کوچ رکی پونٹنگ نے سیزن کے آغاز میں انڈین ایکسپریس کے آئیڈیا ایکسچینج میں یہ بات کہی تھی۔
پونٹنگ کسی تجربہ کار انڈین کھلاڑی یا بیرون ملک سے تعلق رکھنے والے سٹار کے بارے میں پریشان نہیں تھے۔ وہ دہلی سے تعلق رکھنے والے بائیں ہاتھ کے بلے باز پرینش آریا کا حوالہ دے رہے تھے جنہوں نے نیلامی میں فرنچائز کی جانب سے منتخب کیے جانے سے قبل لسٹ اے اور ڈومیسٹک ٹی 20 میچوں میں حصہ لیا تھا۔
پونٹنگ نے وضاحت کی: ’ہمارے پاس بھرنے کے لیے کئی جگہیں تھیں۔ میں نے نوجوان کھلاڑیوں کی کئی ویڈیوز دیکھیں۔ میں جس چیز کی تلاش کرتا ہوں وہ بال کی طاقت ہے، جیسے پریانش آریا۔ وہ ایک صاف بال سٹرائیکر ہیں۔ ہمارے لوگوں نے ان لوگوں کو تلاش کرنے میں شاندار کام کیا اور مجھے ویڈیوز بھیجیں۔‘
ان ویڈیوز میں سے ایک ویڈیو میں آریا کو دہلی پریمیئر لیگ (ڈی پی ایل) میں جنوبی دہلی سپر سٹارز کے لیے ایک اوور میں چھ چھکے مارتے ہوئے دیکھا جاسکتا ہے۔ یہ آئی پی ایل سیزن کے رجحانات میں سے ایک رہا ہے کیونکہ آریا، دیگویش راٹھی اور انیکیت ورما جیسے کھلاڑیوں نے ڈومیسٹک ٹی 20 لیگ میں عمدہ کارکردگی کے بعد لیگ میں اپنی پہچان بنائی ہے۔
آئی پی ایل 2025 میں پہلی بار 29 نئے انڈین کرکٹرز کو منتخب کیا گیا ہے۔ ان میں سے نو نے آئی پی ایل فرنچائز کی جانب سے منتخب کیے جانے سے قبل فرسٹ کلاس یا لسٹ اے ڈیبیو نہیں کیا تھا۔ منونت کمار کرناٹک میں مہاراجہ ٹی 20 ٹرافی کے ذریعے آئے، مدھیہ پردیش ٹی 20 لیگ کے ذریعے آئے جبکہ مادھو تیواری، شیوم شکلا اور انیکیت ورما کو فراہم کیا۔ تیواری( دہلی کیپیٹلز، (وگنیش پوتھر( ممبئی انڈینس) اور ابھینندن سنگھ (رائل چیلنجرز بنگلورو) میں تین کھلاڑیوں کو نیلامی میں منتخب کیا گیا۔
انتیس میں سے اکثریت نے ملک بھر میں ٹی ٹوئنٹی لیگوں میں کسی نہ کسی سطح پر کامیابی حاصل کی ہے۔ آریا اور راٹھی ڈی پی ایل میں ٹیم کے ساتھ تھے، بعد میں وہ لکھنؤ سپر جائنٹس (ایل ایس جی) کے لیے کچھ کھلاڑیوں میں سے ایک کے طور پر ابھرے۔
ڈی پی ایل کے ذریعے سامنے آنے والے دیگر ٹیلنٹ میں ونش بیدی (چنئی سپر کنگز) اور پرنس یادو (ایل ایس جی) شامل ہیں۔ اشونی کمار ایم آئی کے لگوں کی ایک اور مثال ہیں جنہوں نے ایک ٹیلنٹ کو دریافت کیا، کیونکہ انہیں شیر پنجاب ٹی 20 میں ان کی ڈیتھ باؤلنگ کی وجہ سے دیکھا گیا تھا۔
ڈی سی اور سن رائزرز حیدرآباد کی جانب سے بالترتیب متاثر کن کارکردگی کا مظاہرہ کرنے والے لیگ سپنرز وپراج نگم اور ذیشان انصاری نے یوپی ٹی 20 لیگ میں کامیابی حاصل کی کیونکہ وہ رشبھ پنت اور ایشان کشن کی طرح انڈر 19 ٹیم کا حصہ ہونے کے باوجود کامیابی حاصل کرنے میں کامیاب نہیں ہوسکے تھے۔
سابق انڈین کرکٹر ابھینو مکند نے ای ایس پی این کرک انفو پر لکھا کہ 'آریا کو ایک پلیٹ فارم دیا گیا تھا اور راٹھی کو بھی۔ جب انہوں نے آئی پی ایل ڈیبیو میں سی ایس کے کے خلاف تین وکٹیں حاصل کی تھیں تو کسی نے بھی پوتھر کے بارے میں نہیں سنا تھا۔‘ انہوں نے کہا کہ اگر یہ لیگز نہ ہوتیں تو امکان ہے کہ یہ کھلاڑی آئی پی ایل میں جگہ نہ بنا پاتے۔
ابتدائی مرحلے میں تمل ناڈو پریمیئر لیگ کا حصہ رہنے والے مکند نے کہا کہ ڈومیسٹک سٹرکچر میں کھوئے ہوئے کرکٹرز کو بھی شامل کریں، جیسے کرون نائر اور ذیشان انصاری، جنہیں ان ٹورنامنٹس کی بدولت نئی زندگی ملی ہے۔
لیکن انہوں نے ان لیگز کی معاشی حالت کو یقینی بنانے کی ضرورت پر زور دیا تاکہ وہ بند نہ ہوں۔
