پاکستان فوج نے جمعرات کو ایک بیان میں بتایا کہ تین اور چار جون کی درمیانی رات صوبہ خیبر پختونخوا میں دو الگ الگ کارروائیوں کے دوران چار عسکریت پسند مارے گئے۔
پاکستان فوج کے ترجمان محکمے آئی ایس پی آر کے مطابق سکیورٹی فورسز نے عسکریت پسندوں کی موجودگی کی اطلاع پر ضلع ڈیرہ اسماعیل خان میں آپریشن کیا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
آپریشن کے دوران سکیورٹی فورسز نے عسکریت پسندوں کے ٹھکانے کو نشانہ بنایا اور شدید فائرنگ کے تبادلے کے بعد دو عسکریت پسند مارے گئے۔
ایک اور انٹیلی جنس بیسڈ آپریشن ضلع مہمند میں کیا گیا، جس دوران مزید دو عسکریت پسند مارے گئے۔
بیان میں کہا گیا کہ مرنے والے عسکریت پسندوں کے قبضے سے اسلحہ اور گولہ بارود بھی برآمد کیا گیا۔
’یہ عناصر علاقے میں دہشت گردی کی متعدد کارروائیوں میں سرگرم رہے تھے۔‘
آئی ایس پی آر کا کہنا ہے کہ علاقے میں کسی بھی مزید عسکریت پسند کی موجودگی کے خاتمے کے لیے کلیئرنس آپریشنز جاری ہیں۔
