’میں رابی پیرزادہ شوبز سے کنارہ کشی اختیار کرتی ہوں‘

رابی پیرزادہ نے ایک ٹویٹ کے ذریعے اپنے فیصلے کا اعلان کرتے ہوئے لکھا ’اللہ تعالیٰ میرے گناہوں کو معاف کرے۔ اور میرے حق میں لوگوں کا دل نرم کرے۔‘

پچھلے کچھ عرصے سے رابی پیرزادہ قانونی اور سماجی طور پر دباؤ میں تھیں (ٹوئٹر)

نامور گلوکارہ رابی پیرزادہ نے پیر کو شوبز کی دنیا سے کنارہ کشی کا اعلان کر دیا۔

پچھلے کچھ عرصے سے رابی پیرزادہ قانونی اور سماجی طور پر دباؤ میں تھیں۔

پہلے انہیں سانپوں کے ساتھ ویڈیوز سوشل میڈیا پر وائرل ہونے کے بعد قانونی کارروائی کا سامنا کرنا پڑا اور پچھلے ہفتے ان کی نجی ویڈیوز اور تصاویر وائرل ہوئی تھیں۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

رابی اپنی تصاویر اور ویڈیوز وائرل ہونے پر بہت پریشان تھیں اور انہوں نے فیڈرل انوسٹیگیشن ایجنسی کے سائبر ونگ میں ان نجی ویڈیوز کے مزید پھیلاؤ کو روکنے کے لیے درخواست بھی دائر کی تھی۔

انہوں نے انڈپینڈنٹ اردو کے رابطہ کرنے پر ایک ٹیکسٹ پیغام میں کہا تھا کہ وہ سوچتی ہیں ویڈیوز اور تصاویر وائرل ہونے پر مر جائیں۔

انہوں نے لکھا اب انہیں احساس ہو رہا ہے کہ آخر ریپ کا نشانہ بننے والی لڑکیاں خودکشی کیوں کر لیتی ہیں، ان کا کہنا تھا کہ یہ معاشرہ انہیں بھی مار ڈالنا چاہتا ہے۔

رابی نے اب پیر کو ایک ٹوئٹ میں لکھا ’میں رابی پیرذادہ شوبز سے کنارہ کشی اختیار کرتی ہوں ۔ اللہ تعالیٰ میرے گناہوں کو معاف کرے۔ اور میرے حق میں لوگوں کا دل نرم کرے۔‘ انہوں نے قرآن کی ایک آیت بھی شیئر کی۔

اس فیصلے پر ٹوئٹر صارفین کی اکثریت انہیں دعائیں اور نیک تمنائیں پہنچا رہی ہے۔

ایک ٹوئٹر صارف نائلہ منیر نے لکھا

حیا چوہدری کہتی ہیں

 

میٹھا بول نامی ٹوئٹر صارف نے کہا

اور عادل شہریار نے انہیں مضبوط رہنے کا مشورہ دیا

 

زیادہ پڑھی جانے والی فن