تقریب کی خصوصی تفریح کے لیے دوحہ سے آئے ہوئے امریکی فضائیہ کے بینڈ ’ڈراپ زون‘ نے کلاسیکی، جدید موسیقی، راک اینڈ رول، لوک اور پاپ میوزک کے سُر بکھیر کر شرکا کو محظوظ کیا۔
امریکی جشن میں بڑے ستاروں کا میلہ
امریکہ کے یوم آزادی کا جشن منانے کے لیے امریکی سفارت خانے نے اسلام آباد میں تقریب کا اہتمام کیا جس میں بڑی تعداد میں اہم شخصیات نے شرکت کی۔ تقریب کی تصویری جھلکیاں دیکھیں۔
-
1/8
پاکستانی فنکاروں کی بڑی تعداد بھی اس تقریب میں شریک تھی۔ ان میں مومینہ مستحسن بھی مداحوں کے نرغے میں رہیں۔
-
2/8
مہمان خصوصی وفاقی وزیر برائے توانائی عمر ایوب خان تھے جنہوں نے کیک بھی کاٹا۔
-
3/8
معروف گلوکار عاطف اسلم بھی مداحوں کے ساتھ تصاویر بناتے رہے۔
-
4/8
قائم مقا م سفیر پال جونز نے اس موقع پر اظہارِ خیال کرتے ہوئے تقریب کے موضوع کی اہمیت بیان کرتے ہوئے کہا کہ اس یوم آزادی کو منانے کے لیے ’بلڈنگ اے ویژن‘ کے نصب العین کے انتخاب کا مقصد تاریخ کی وہ کہانی بیان کرنا ہے کہ دونوں عظیم ملکوں نے اپنی اپنی قومیں، دارالحکومت ، سفارت خانے اور تعلقات قائم کرنے کے لیے کس انداز میں جدوجہد کی۔ اس کہانی سے دونوں قوموں کے بنیادی اصولوں سے لے کر ایک دوسرے کے دارالحکومتوں میں سفارت خانے بنانے پر خاصی سرمایہ کاری کا موازنہ کیا گیا۔ انہوں نے کہا کہ ان کو امریکی سفارت خانہ اسلام آباد کی نئی اور خوبصورت عمارت پر فخر ہے۔ دنیا میں بڑے امریکی سفارت خانوں میں سے ایک یہ عمارت اس قدروقیمت اور وابستگی کی مظہر ہے جو ہم دونوں ملکوں کے مابین تعلقات کو دیتے ہیں۔
-
5/8
کرکٹر شاہد آفریدی اور پشاور زلمے کے مالک جاوید آفریدی بھی لوگوں سے ملے۔
-
6/8
طارق امین بھی مدعو تھے۔ ’نئی سوچ کی تخلیق‘کے عنوان سے ہونے والی تقریب میں تقاریر، تصاویراور وڈیو کے ذریعہ پاک امریکہ دوستی کی باہمی اقدار اور مشترکہ مقاصد کی اہمیت کو اجاگر کیا گیا۔
-
7/8
لیڈی لیبرٹی اور انکل سام کے ساتھ لوگوں نے خوب تصاویر بنائیں۔
-
8/8
امریکہ سے اپنی دوستی کا اظہار کرتی ایک خاتون۔
