کیا آپ کو معلوم ہے کہ گولف کا کھیل اٹھارویں صدی میں سکاٹ لینڈ میں ایجاد ہوا تھا؟
گولف ایک خاص میدان پر کھیلی جاتا ہے، جس میں گول اور سکورنگ کے لیےکم از کم 18 سوراخ کیے جاتے ہیں۔میدان میں تالاب، درخت اور مٹی کے بنکر بنائے جاتے ہیں تاکہ بال کو سوراخ میں پھینکنا اتنا آسان نہ ہو۔
گولف ٹورنامنٹس میں اکثر سفید رنگ کی سنتھیٹک لیٹیکس سے بنی ہوئی بال استعمال ہوتی ہے جسے ہٹ کرنے کے لیے 'ٹی' پر رکھا جاتا ہے۔ جہاں سوراخ ہوتا ہے اسے 'گرین' کہتے ہیں۔
سوراخ کے ساتھ ایک جھنڈا لگا ہوتا ہے جس پر لکھا نمبر نشاندہی کرتا ہے کہ یہاں گول کرنے کے لیے کھلاڑی کتنی دفعہ کوشش کر سکتا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
گولف کھیلنے کے لیے گولف کلب استعمال ہوتا ہے جس کا خاص ڈیزائن کھلاڑی کو کم سے کم باریوں میں گول کرنے میں مدد کرتا ہے۔ گولف کلب کی 14 اقسام ہوتی ہیں۔ ایک گولف کلب 'ڈرائیور' سٹیل یا ٹائیٹینیم سے بنا ہوتا ہے اور لمبا فاصلہ طے کرنے کے لیے استعمال ہوتا ہے۔
اگر سوراخ تھوڑا نزدیک ہوتو 'فیئروے' کلب استعمال ہوتا ہے جس کا سر لوہے سے بنا ہوتا ہے۔ایک 'ہائبرڈ' کلب ہوتا ہے جو ڈرائیور اور فیئروے کا ملاپ ہوتا ہے۔ 'پٹر' نامی کلب گیند کو نزدیک سے سوراخ میں ڈالنے کے لیے استعمال کیا جاتا ہے۔
گولف کھیلنے کے لیے خاص جوتے پہنے جاتے ہیں جو کھلاڑی کو توازن برقرار رکھنے میں مدد کرتے ہیں۔ گولف کھیلنے کے لیے کھلاڑیوں کے ساتھ ان کے 'کیڈی' ہوتے ہیں جو ان کا سامان اٹھانے کے ساتھ ساتھ کھلاڑی کی حوصلہ افزائی کرتے ہیں۔ بعض کھلاڑیوں اور کیڈیز کا ساتھ سالوں رہتا ہے۔
