آج تحریک انصاف اپنے ہاتھوں خود ہی زیر عتاب آ چکی ہے، خان صاحب زمان پارک تک محدود ہو چکے ہیں لیکن انہوں نے پارلیمان کا کوئی ایسا فورم نہیں چھوڑا جہاں آج وہ حکومت کو ناکوں چنے چبوانے کی پوزیشن میں ہوتے۔
عمران خان ابھی تک جلد الیکشن کروانے کی سیاست کر رہے ہیں اور وہ اس میں اتنا کھو چکے ہیں کہ یہ اندازہ نہیں لگا پا رہے کہ پورا ملک اور ماسوائے پی ٹی آئی اور ن لیگ، ہر جماعت الیکشن موڈ میں جا کر بھرپور تیاری شروع کر چکی ہے۔
