یٰسین ملک کی عمر قید پر اسلامی تعاون تنظیم کا اظہار تشویش

تنظیم کی جانب سے جمعے کو جاری بیان میں کہا گیا: ’جنرل سیکرٹریٹ کئی دہائیوں سے آزادی کی پرامن جدوجہد کی قیادت کرنے والے ممتاز کشمیری رہنما یٰسین ملک کو عمر قید کی سزا سنائے جانے پر گہری تشویش کا اظہار کرتا ہے۔‘

25 مئی 2022 کی اس تصویر میں کشمیری رہنما یاسین ملک نئی دہلی کی عدالت میں پیشی کے موقع پر(اے ایف پی)

اسلامی تعاون تنظیم (او آئی سی) نے بھارتی عدالت کی جانب سے کشمیر کے حریت پسند رہنما یٰسین ملک کو عمر قید کی سزا  سنائے جانے پر تشویش کا اظہار کیا ہے۔

تنظیم کی جانب سے جمعے کو جاری بیان میں کہا گیا: ’جنرل سیکرٹریٹ کئی دہائیوں سے آزادی کی پرامن جدوجہد کی قیادت کرنے والے ممتاز کشمیری رہنما یٰسین ملک کو عمر قید کی سزا سنائے جانے پر گہری تشویش کا اظہار کرتا ہے۔‘

بیان میں مزید کہا گیا: ’جموں و کشمیر کے عوام کے حق خودارادیت کے لیے یکجہتی کا اعادہ کرتے ہوئے جنرل سیکرٹریٹ عالمی برادری پر زور دیتا ہے کہ وہ اس بات کو یقینی بنائے کہ کشمیریوں کی اپنے حقوق کے حصول کے لیے جائز جدوجہد کو دہشت گردی کے ساتھ نہ ملایا جائے۔‘

بیان میں مزید کہا گیا کہ ’جنرل سیکرٹریٹ بھارتی حکومت سے مطالبہ کرتا ہے کہ وہ غیر منصفانہ طور پر قید تمام کشمیری رہنماؤں کو رہا کرے، مقبوضہ کشمیر کے عوام پر ہونے والے بہیمانہ اور منظم ظلم و ستم کو فوری طور پر روکے اور کشمیریوں کو اقوام متحدہ کی سلامتی کونسل کی متعلقہ قراردادوں کے تحت آزادانہ اور غیر جانبدارانہ رائے شماری کے ذریعے اپنے مستقبل کا تعین کرنے اجازت دے۔‘

زیادہ پڑھی جانے والی ایشیا