’ایک ماں نے بیٹا اور پنجاب نے سپر سٹار کھو دیا‘

قتل کا یہ واقعہ سدھو موسے والا کی سکیورٹی کم کرنے کے ایک دن بعد پیش آیا۔ وہ پنجاب کے ان سیاست دانوں میں شامل تھے جنہوں نے بھگونت مان حکومت کی وی آئی پی کلچر کے خلاف کریک ڈاؤن کی مشق کے دوران اپنے حفاظتی انتظامات کو مسترد کر دیا تھا۔

ٹوئٹر صارف گرنور بھٹ کا کہنا تھا کہ یہ معاملہ دن بہ دن عجیب ہوتا جا رہا ہے۔ آپ کو کسی سے اتفاق نہیں تو وہ آپ کو گولی مار دے گا (تصویر: ٹوئٹر، گرنور بھٹ)

بھارت کے پنجابی گلوکار اور کانگریس لیڈر شبدیپ سنگھ سدھو موسے والا کو اتوار کو مانسا کے قریب گولی مار کر ہلاک کر دیا گیا۔ 

دا انڈین ایکسپریس کے مطابق 27 سالہ گلوکار کو مبینہ طور پر گاؤں جھواہر کے میں ایک مندر کے قریب کم از کم 10 گولیاں ماری گئیں اور انہیں مانسا ہسپتال میں مردہ قرار دے دیا گیا۔

انڈین ایکسپریس کے مطابق یہ واقعہ موسے والا کی سکیورٹی کم کرنے کے ایک دن بعد پیش آیا۔ وہ پنجاب کے ان سیاست دانوں میں شامل تھے جنہوں نے بھگونت مان حکومت کی وی آئی پی کلچر کے خلاف کریک ڈاؤن کی مشق کے دوران اپنے حفاظتی انتظامات کو مسترد کر دیا تھا۔

بھارت سمیت دنیا بھر میں ان کے قتل پر تشویش کا اظہار کیا جا رہا ہے۔

معرووف کامیڈیان کپل شرما نے اپنی ٹویٹ میں کہا کہ ’سدھو ایک عظیم فنکار ہونے کے ساتھ ساتھ ایک شاندار انسان بھی تھے‘

پاکستانی صحافی احتشام الحق اپنی ٹویٹ میں لکھتے ہیں ’ بھارت میں پنجابی گلوکار اور سیاستدان سدھو موسے والا کو گولی مار کر قتل کر دیا گیا ہے‘

بھارتی بلے باز شکھر دھون نے اپنی ٹویٹ میں اظہار افسوس کرتے ہوئے کہا کہ ’بہت مایوسی اور صدمے کی بات ہے یہ‘

بھارتی پنجاب کے ٹوئٹر صارف گرنور بھٹ کا کہنا تھا کہ یہ معاملہ دن بہ دن عجیب ہوتا جا رہا ہے۔ آپ کو کسی سے اتفاق نہیں تو وہ آپ کو گولی مار دے گا۔ ایک ماں نے بیٹا اور پنجاب نے سوپر سٹار کھو دیا۔

 

اطلاعات کے مطابق نامعلوم افراد نے سدھو کی گاڑی پر حملہ کیا اور 30 سے زائد گولیاں برسائیں جس کے نتیجے میں سدھو اور گاڑی میں موجود دیگر دو افراد شدید زخمی ہوگئے

پولیس کا کہنا ہے کہ فائرنگ کے واقعے میں دومزید افراد زخمی ہوئے ہیں جنہیں مانسا ہی کے ایک سرکاری ہسپتال میں طبی امداد فراہم کی جارہی ہے۔

سدھو موسے والے اپنی گلوکاری کی وجہ سے ناصرف بھارتی پنجاب اور ہریانہ میں مشہور تھے بلکہ پاکستان میں بڑی تعداد میں بڑی تعداد میں ان کے مداح تھے۔

زیادہ پڑھی جانے والی ٹرینڈنگ