ہمسائے کے مکان سے لی گئی نجی تصاویر، عالیہ بھٹ کی شکایت

عالیہ بھٹ نے اپنی نجی تصاویر لیک ہونے کے بعد ایک حالیہ پوسٹ میں ممبئی پولیس کو ٹیگ کیا تھا۔

ممبئی پولیس نے عالیہ بھٹ سے شکایت درج کرانے کو کہا ہے کیونکہ ایک میڈیا پورٹل نے ان کے کمرے کے اندر بیٹھے ہوئے ان کی تصاویر شیئر کی تھیں (عالیہ بھٹ انسٹاگرام)

ممبئی پولیس نے عالیہ بھٹ سے شکایت درج کرانے کو کہا ہے کیوں کہ ایک میڈیا پورٹل نے ان کے کمرے کے اندر بیٹھے ہوئے ان کی تصاویر شیئر کی تھیں، جو ملحقہ عمارت سے زوم لینس کے ذریعے کھینچی گئی تھیں۔

عالیہ نے انسٹاگرام پر اس واقعے پر تنقید کرتے ہوئے پولیس کو ٹیگ کیا تھا۔ تازہ ترین اپ ڈیٹ کے مطابق اداکارہ کی ٹیم اب اس معاملے کو دیکھ رہی ہے اور متعلقہ لوگوں کے ساتھ رابطے میں ہے۔

خبر رساں ادارے اے این آئی نے بدھ کو ٹویٹ کیا کہ ’ممبئی پولیس نے اداکارہ عالیہ بھٹ سے رابطہ کیا ہے اور ان سے اس معاملے میں شکایت درج کرانے کو کہا ہے جہاں ایک فوٹوگرافر نے ان کی نجی تصاویر کھینچی تھیں اور یہ تصاویر ایک آن لائن پورٹل پر شائع ہوئی تھیں۔ اداکارہ نے پولیس کو بتایا ہے کہ ان کی پی آر ٹیم متعلقہ پورٹل پولیس کے ساتھ رابطے میں ہے۔‘

منگل کو عالیہ نے اس واقعہ پر حیرت کا اظہار کرتے ہوئے لکھا تھا کہ 'کیا تم مجھ سے مذاق کر رہے ہو؟ میں اپنے گھر پر اپنے کمرے میں بیٹھ کر بالکل نارمل دوپہر گزار رہی تھی جب مجھے محسوس ہوا کہ مجھے کوئی دیکھ رہا ہے۔

’میں نے اپنی پڑوس کی عمارت کی چھت پر دو آدمیوں کو دیکھا جس کے پاس کیمرہ تھا! کس دنیا میں یہ ٹھیک ہے اور اجازت ہے؟ یہ کسی کی پرائیویسی پر سنگین حملہ ہے! ایک لکیر ہے جسے آپ پار نہیں کر سکتے ہیں اور یہ کہنا محفوظ ہے کہ آج تمام لائنیں پار کردی گئیں!‘

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

انہوں نے اپنی اس پوسٹ میں ممبئی پولیس کو بھی ٹیگ کیا۔

ان کی پوسٹ کے بعد کئی مشہور شخصیات نے اسی طرح کے تجربات شیئر کیے اور مشہور شخصیات کے پرائیویسی کے حق پر سوال اٹھایا۔

عالیہ بھٹ کی والدہ اور اداکارہ سونی رازدان نے کہا کہ کسی شخص کی پرائیویسی کی کھلم کھلا خلاف ورزی پر حیران اور مایوس ہیں۔ ’کیا اب ہم واقعی 'اس ملک' میں تبدیل ہو رہے ہیں؟ جہاں 'تصویر حاصل کرنے' کی بات آتی ہے تو ہمارے تمام ثقافتی اصول ختم ہو جاتے ہیں؟ امید ہے کہ کوئی اس مسئلے کو تیزی سے حل کرے گا!‘

عالیہ کی بہن اور مصنفہ شاہین نے اپنی مایوسی کا اظہار کرتے ہوئے کہا کہ 'اب 'مواد' کے لیے پڑوسی عمارتوں میں چھپ کر لوگوں کے گھروں میں زوم لینس لگانا بالکل خوب ہے؟ عمر کے آدمی، کیمروں کے ساتھ۔ سڑک کے اس پار چھپ گئے۔ ایک بے خبر عورت کی خفیہ تصاویر لینا۔ اس کی رضامندی کے بغیر. اس کے گھر میں۔ ‘

جھانوی کپور سے لے کر ارجن کپور اور انوشکا شرما تک کئی دیگر لوگ بھی عالیہ کی حمایت میں سامنے آئے۔

زیادہ پڑھی جانے والی گھر