مچھلی کو عموماً نمکین ڈش کے طور پر کھایا جاتا ہے لیکن سانگھڑ میں مچھلی کا میٹھا حلوہ بھی بنایا جاتا ہے، جس کے بارے میں بہت کم لوگ جانتے ہوں گے۔

یہ حلوہ بنانے والے جبار ملاح کہتے ہیں کہ ’اگر آپ اسے کھائیں گے تو بار بار آئیں گے۔‘

انہوں نے بتایا کہ اس میں طاقتور چیزیں ڈالی جاتی ہیں، جیسے ڈرائی فروٹ اور دیسی گھی، جس کے باعث یہ بہت ذائقہ دار ہوتا ہے۔

جبار کے مطابق ان کا مچھلی کا حلوہ کھانے نہ صرف سانگھڑ سے بلکہ پاکستان کے علاوہ بیرون ملک سے بھی لوگ آنے لگے ہیں۔ اس کی قیمت تقریباً پانچ ہزار روپے فی کلو ہے۔

انہوں نے بتایا کہ یہ ہمارے پاکستان کی پہچان بن گئی ہے۔ ’جو بھی کھاتا ہے، وہ کہتا ہے کہ جبار بھائی آپ نے جو فارمولا تیار کیا ہے، کسی نے بھی تیار نہیں کیا ہو گا۔‘

بقول جبار: ’یہ حلوہ طاقتور بھی ہے، صحت کے لیے اچھا بھی ہے اور ذائقہ دار بھی ہے۔‘