پاکستان ایئرپورٹس اتھارٹی نے منگل کو ایک بیان میں کہا ہے کہ شارجہ سے پاکستان آنے والا ایک کارگو طیارہ کراچی سے تقریباً 155 کلومیٹر دور لاپتہ ہو گیا جس کے بعد سرچ اور ریسکیو آپریشن شروع کر دیا گیا ہے۔
پاکستان ایئرپورٹس اتھارٹی (PAA) نے منگل کی رات ایک بیان میں بتایا ہے کہ کے ٹو ایئرویز کا ایک بوئنگ 737 کارگو طیارہ، جو شارجہ سے کراچی جا رہا تھا، نے رات 9:18 بجے (پاکستانی وقت) اپنی نیویگیشن سسٹم میں خرابی کی اطلاع دی۔
پاکستان ایئرپورٹس اتھارٹی کے مطابق طیارے میں پانچ عملے کے ارکان سوار تھے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اتھارٹی کے مطابق کراچی ایریا کنٹرول سینٹر (ACC) نے فوری طور پر طیارے کی رہنمائی شروع کی، تاہم 9:21 بجے ریڈار پر طیارے کو تیزی سے نیچے آتے اور اچانک سمت تبدیل کرتے ہوئے دیکھا گیا۔
بیان کے مطابق اس کے بعد کراچی سے تقریباً 155 ناٹیکل میل مغرب میں طیارے سے ریڈار اور مواصلاتی رابطہ منقطع ہو گیا۔
ایئرپورٹس ارٹھارٹی نے بتایا کہ اس واقعے کے بعد ریسکیو کوآرڈینیشن سینٹر کو فعال کر دیا گیا اور لاپتہ طیارے کی تلاش کے لیے مختلف اداروں کے تعاون سے سمندر میں مشترکہ سرچ اینڈ ریسکیو آپریشن شروع کر دیا گیا۔
