پاکستان ایئر فورس کا ایک تربیتی طیارہ پیر کو خیبر پختونخوا کے شہر مردان کے قریب گر کر تباہ ہو گیا، جس کے نتیجے میں دونوں پائلٹ جان سے گئے۔

فوج کے شعبہ تعلقات عامہ (آئی ایس پی آر) نے ایک بیان میں کہا کہ یہ طیارہ معمول کی تربیتی پرواز پر تھا۔

بیان میں مزید کہا گیا کہ ’حادثے کی وجوہات معلوم کرنے کے لیے ایئر ہیڈکوارٹرز کی جانب سے ایک تحقیقاتی بورڈ تشکیل دے دیا گیا ہے۔‘

یہ حادثہ اس وقت پیش آیا جب کچھ روز قبل پاکستان فوج کا ایک ہیلی کاپٹر پاکستان کے زیر انتظام کشمیر میں ٹیک آف کے دوران گر کر تباہ ہو گیا تھا جس میں سوار تمام اہلکار جان سے گئے۔