پاکستان کے وزیراعظم عمران خان جب سے اپنے پہلے دورہ ایران پر گئے، مسلسل ان کی تصاویر تو شیئر ہو ہی رہی تھیں مگر ان کے جرمنی اور جاپان کے بارے میں بیان پر تنقید اور میمز کا نہ رکنے والا سلسلہ بھی شروع ہو گیا۔
عمران خان نے ایرانی صدر کے ساتھ ایک مشترکہ پریس کانفرنس میں کہا تھا کہ ’جاپان اور جرمنی نے دوسری جنگ عظیم کے بعد اپنے سرحدی علاقے میں مشترکہ صنعتیں قائم کیں۔‘
Japan is an island country in East Asia located in the Pacific. Germany is in central Europe. They had the same location during the 2nd World War in which they were allies. But PM Imran thinks otherwise and says so before international audience. pic.twitter.com/aR45Y7T2bP
— Syed Talat Hussain (@TalatHussain12) April 22, 2019
بس پھر کیا تھا ایسا محسوس ہوا جیسے ٹوئٹر پر سب تیار بیٹھے تھے کہ اُدھر عمران خان کچھ کہیں اور اِدھر میمز تیار۔
وزیراعظم عمران خان کی سابقہ اہلیہ ریحام خان نے ایک مختصر سا ویڈیو کلپ جو کہ ہر کوئی شیئر کر رہا ہے کہ اوپر لکھا: ’جرمنی اور جاپان کی سرحد مشترک ہے؟ مطالعہ پاکستان وزیراعظم۔‘
کالم نگار اور خاتون ایکٹوسٹ شمع جونیجو نے اس بارے میں کچھ یوں لکھا: ’جرمنی اور جاپان کی سرحد مشترک ہے۔ یہ وزیراعظم عمران خان نے اپنے خطاب میں کہا۔ براہ مہربانی انہیں کوئی تقریر لکھنے والا ڈھونڈ دیں یا انہیں جغرافیہ پڑھائیں۔ ہم کتنا ٹرول کریں اب بھائی۔‘
دیگر صارفین نے عمران خان کے اس بیان پر کس طرح کا ردعمل دیا آپ خود ہی دیکھ لیجیے:
