آسٹریلوی میڈیا کے مطابق سابق آسٹریلوی کرکٹر شین وارن جمعے کو انتقال کر گئے۔

فاکس سپورٹس کے مطابق وارن کی مینجمنٹ ٹیم نے ایک بیان میں کہا ہے کہ ’شین وارن تھائی لینڈ کے جزیرے کوہ سموئی میں موجود اپنے گھر میں مردہ پائے گئے۔‘

بیان کے مطابق شین وارن کو طبی امداد دینے کی کوشش کی گئی لیکن وہ جانبر نہ ہو سکے۔ ان کی ٹیم نے ان کی موت کی وجہ ممکنہ طور پر دل کے دورے کو قرار دیا ہے۔

شین وارن نے ٹیسٹ کرکٹ میں 145 میچز کھیلے جس میں انہوں نے 708 وکٹیں حاصل کی تھیں۔ جبکہ 194 ایک روزہ میچز میں 293 وکٹیں حاصل کیں۔

شین وارن نے اپنا پہلا ٹیسٹ 2 جنوری 1992 کو بھارت کے خلاف کے سڈنی کے میدان میں کھیلا اور مارچ 1993 میں پہلا ایک روزہ میچ کھیلا۔
انہوں 2 جنوری 2007 میں انگلینڈ کے خلاف اپنا آخری ٹیسٹ میچ کھیلا۔

اپنے کرئیر ٹیسٹ کرکٹ میں شین وارن نے 17 مرتبہ میں آف دی میچ کا اعزاز حاصل کیا۔

آسٹریلوی کپتان پیٹ کمنز، جو اس وقت پاکستان کے دورے پر ٹیم کی قیادت کر رہے ہیں کا کہنا ہے کہ ’لیجنڈری سپنر شین وارن، جو جمعہ کو انتقال کر گئے، موجودہ نسل کے کرکٹرز کے لیے ’ہیرو‘ تھے۔

جمعہ کی رات میڈیا کو جاری کردہ ایک ویڈیو پیغام میں انہوں نے کہا کہ ’اس ٹیم اور سکواڈ میں بہت سے لوگ اب بھی انہیں ہیرو کے طور پر رکھتے ہیں۔‘

ان کے مطابق ’جو نقصان ہم سب اس نقصان کو برداشت کرنے کی کوشش کر رہے ہیں۔ وارنی کے ابھرنے کے بعد کھیل پہلے جیسا نہیں تھا، اور اس کے گزرنے کے بعد کھیل کبھی پہلے جیسا نہیں ہوگا۔‘

آسٹریلوی بلے باز ڈیوڈ وارنز نے شین وارن کے انتقال پر ٹویٹ کرتے ہوئے کہا کہ ’کھیل کے دو لیجنڈ بہت جلد چل بسے۔ میں بہت افسردہ ہوں اور میرے پاس الفاظ نہیں ہیں۔

یاد رہے شین وارن سے قبل آسٹریلیا کے سابق وکٹ کیپر روڈنی مارش بھی جمعرات کو چل بسے جن کی یاد میں آسٹریلوی ٹیم نے راولپنڈی ٹیسٹ کے پہلے دن باززوؤں پر سیاہ پٹیاں باندھ کر شرکت کی۔