کراچی کے علاقے صدر میں آج رات ہونے والے دھماکے سے تاحال ایک ہلاکت اور تیرہ افراد کے زخمی ہونے کی اطلاعات ہیں جب کہ دھماکے سے کئی نجی املاک کو نقصان پہنچا۔
میڈیا اطلاعات کے مطابق دھماکہ کوڑا پھینکنے کی جگہ کے پاس سرکاری نمبر پلیٹ والی گاڑی کے قریب ہوا۔
پولیس کے مطابق دھماکہ مرشد بازار کے قریب ایک بیکری اور ہوٹل کے باہر ہوا۔ دھماکے سے قریبی ہوٹلوں اور رہائشی عمارتوں کے شیشے ٹوٹ گئے۔
دھماکے کے بعد جائے وقوع پر پولیس سمیت بم ڈسپوزل سکواڈ کو طلب کر لیا گیا ہے۔
وزیر اطلاعات شرجیل میمن کے مطابق علاقے کے ہسپتالوں میں ایمرجنسی نافذ کر دی گئی ہے۔
جناح ہسپتال کے پروفیسر ڈاکٹر شاہد رسول کے مطابق تیرہ افراد زخمی ہیں اور ایک فرد کے ہلاک ہو جانے کی انہوں نے تصدیق کی ہے۔
مریض اس وقت جناح ہسپتال کی ایمرجنسی میں ہیں جن میں سے چار کی حالت تشویش ناک بتائی جا رہی ہے۔
ہسپتال ذرائع کے مطابق ہلاک شخص کے جسم پر بال بیئرنگ کے زخم ملے ہیں۔
صدر ڈاکٹر عارف علوی اور وزیر اعظم شہباز شریف نے دھماکے میں قیمتی جانی نقصان پر گہرے دکھ اور افسوس کا اظہار کیا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
