پاکستان کے لیے رواں برس مارچ میں ہونے والے فیفا ورلڈ کپ کوالیفائرز کے حوالے سے اچھی خبر یہ ہے کہ ناروے کے کھلاڑی اعتزاز حسین کو پاکستانی پاسپورٹ دے دیا گیا ہے۔

اعتزاز اب پاکستان کی قومی ٹیم کی جانب سے کھیلنے کے اہل ہیں، جو مارچ میں ہونے والے فیفا ورلڈ کپ کوالیفائرز کی تیاری کر رہی ہے۔

یہ خبر ناروے میں پاکستان کی سفیر سعدیہ الطاف قاضی نے اپنے ایکس اکاؤنٹ پر شیئر کی۔

خیال ہے کہ اعتزاز پاکستان کی نمائندگی کرنے کے اہل ترین کھلاڑیوں میں سے ایک ہیں اور ایک اہم شیڈول سے قبل ٹیم کو بہت ضروری اعتماد فراہم کریں گے۔

30 سالہ کھلاڑی اس وقت قبرص لیگ میں اپالون لیماسول ایف سی کی نمائندگی کر رہے ہیں۔ وہ اس سے قبل ناروے میں مولڈے ایف کے کی نمائندگی کر چکے ہیں، ان کے ساتھ ایرلنگ ہالینڈ بھی ہیں، جو یوئیفا چیمپیئنز لیگ کے فاتح مانچسٹر سٹی کی نمائندگی کرتے ہیں۔

ماہرین کے مطابق پاکستان کی قومی ٹیم میں اعتزاز کی شمولیت سے فٹ بال کے میدان میں موجود خلا کو پر کیا جا سکے گا، جس پر راہیس نبی اور عالمگیر غازی مہارت کے ساتھ گرفت رکھے ہوئے تھے۔ وہ ٹیم میں دفاعی مڈ فیلڈ کے مسئلے کو حل کرنے میں مددگار ثابت ہوں گے۔

پاکستان کا اگلا مقابلہ 21 مارچ کو ہوگا جب گرین شرٹس اردن کی میزبانی کریں گے۔ بعد میں 26 مارچ کو یہ ٹیم اردن میں کھیلے گی۔ پاکستان نے اپنی تاریخ میں پہلی بار فیفا ورلڈ کپ کوالیفائنگ کے دوسرے راؤنڈ کے لیے کوالیفائی کیا ہے۔

پاکستان نے اس سے قبل سعودی عرب اور تاجکستان کو بالترتیب 4-0 اور 6-1 سے شکست دی تھی۔

ان فتوحات سے ٹیم اور پاکستانی عوام کا مورال اور اس کھیل میں دلچسپی کافی بڑھ گئی ہے۔

مستند خبروں اور حالات حاضرہ کے تجزیوں کے لیے انڈپینڈنٹ اردو کے وٹس ایپ چینل میں شامل ہونے کے لیے یہاں کلک کریں۔