سرینا اور وینس ولیمز چار سال بعد پہلی بار ڈبلز میں ایک ساتھ کھیلنے جا رہی ہیں، کیونکہ انہیں سنسناٹی اوپن کے لیے وائلڈ کارڈ دے دیا گیا ہے۔
دونوں بہنیں مل کر ڈبلز میں 14 گرینڈ سلیم ٹائٹلز جیت چکی ہیں، جن میں ومبلڈن کے چھ ٹائٹلز بھی شامل ہیں جبکہ انہوں نے تین اولمپک طلائی تمغے بھی اپنے نام کیے ہیں۔ رواں سال کا ٹورنامنٹ سنسناٹی میں بطور جوڑی ان کا پہلا مقابلہ ہوگا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انہوں نے آخری بار 2022 کے یو ایس اوپن میں ڈبلز ایک ساتھ کھیلا تھا، جہاں وہ چیک جمہوریہ کی لوسی ہرادیٹسکا اور لنڈا نوسکووا کے ہاتھوں شکست کھا گئی تھیں۔ یہ سرینا کے اس آخری ٹورنامنٹ کے دوران ہوا تھا جس کے بعد انہوں نے کھیل سے ’دور ہو کر زندگی کے نئے مرحلے میں داخل ہونے‘ کا اعلان کیا تھا، تاہم اس موسمِ گرما میں انہوں نے شاندار واپسی کی۔
دونوں بہنوں کو ڈبلز کے لیے وائلڈ کارڈ دیا گیا ہے جبکہ وینس کو سنگلز کے لیے بھی وائلڈ کارڈ ملا ہے۔ 46 سالہ وینس 2012 میں اس ٹورنامنٹ کے سیمی فائنل اور 2019 میں کوارٹر فائنل تک پہنچی تھیں۔
گذشتہ ماہ دونوں بہنوں کو ومبلڈن کے ڈبلز مقابلوں سے دستبردار ہونا پڑا تھا کیونکہ 44 سالہ سرینا کو آسٹریلیا کی مایا جوائنٹ کے خلاف پہلے راؤنڈ کے سنگلز میچ میں شکست کے دوران گھٹنے کی انجری ہو گئی تھی۔
سنسناٹی میں ڈبلیو ٹی اے 1000 ایونٹ 11 سے 23 اگست تک جاری رہے گا اور یہ سرینا کے لیے یو ایس اوپن میں واپسی کی راہ ہموار کر سکتا ہے، جہاں وہ چار سال قبل سنگلز کے تیسرے راؤنڈ میں اجلا ٹوملیانووچ کے ہاتھوں شکست کھا گئی تھیں۔
سال کے آخری گرینڈ سلیم، یو ایس اوپن، کے مین ڈرا کا آغاز 30 اگست سے ہوگا۔
اضافی رپورٹنگ روئٹرز سے۔
© The Independent
