انگلش پریمیئر لیگ کے فٹ بال کلب مانچسٹر یونائیٹڈ کے کھلاڑی کرسٹیانو رونالڈو نے کہا ہے کہ انہیں محسوس ہوتا ہے کہ کلب نے انہیں ’دھوکہ دیا‘ اور وہ کلب کے مینیجر ایرک ٹین ہیگ کی ’کوئی عزت نہیں کرتے۔‘
مانچسٹر یونائیٹڈ کے چھ ہفتے میں آخری میچ کے بعد صحافی پیئرز مورگن کو دیے گئے انٹرویو کے اتوار کو شائع ہونے والے 90 منٹ پر مبنی اقتباسات میں رونالڈو نے دعویٰ کیا کہ اس سال موسم گرما میں ٹین ہیگ نے انہیں کلب چھوڑ کر جانے پر مجبور کرنے کی کوشش کی۔ انہوں نے سر ایلکس فرگوسن کے جانے کے بعد کلب کی کارکردگی میں بہتری نہ آنے پر تنقید کی۔
رونالڈو کے بارے میں اس حوالے سے قیاس آرائی کی گئی کہ آیا وہ ذاتی وجوہات کی بنا پر تھائی لینڈ اور آسٹریلیا کے پری سیزن دورے پر نہ جانے کے بعد تازہ ترین تبادلوں کے دوران اولڈ ٹریفرڈ کو خیرباد کہہ دیں گے۔
سیزن کے کمزور آغاز کے بعد ٹین ہیگ نے رونالڈو کو متبادل کھلاڑیوں میں شامل کر دیا لیکن اس کے بعد رونالڈو نے متبادل کے طور پر کھیلنے سے انکار کر دیا اور گذشتہ ماہ ٹوٹنہم کے خلاف فتح کے دوران میچ چھوڑ کر چلے گئے۔
یہ پہلا موقع نہیں تھا کہ رونالڈو نے وقت سے پہلے میچ چھوڑ دیا ہو اور ٹین ہیگ نے اس کا جواب اس طرح نہ دیا ہو کہ انہوں نے رونالڈو کو ایک میچ کی حد تک کھیلنے والی ٹیم میں شامل نہیں کیا۔ پرتگال کے سٹار فٹ بالر رونالڈو بعد میں ٹیم میں واپس آ گئے لیکن ورلڈ کپ سے پہلے انہوں نے ٹیم کے دو میچوں میں کوئی کردار ادا نہیں کیا۔
تاہم رونالڈو کی غیر معمولی تنقید کے وقت سے ظاہر ہوتا ہے کہ 37 سالہ کھلاڑی کا ماننا ہے کہ وہ کلب کے لیے اپنے میچ کھیل چکے ہیں۔ قبل ازیں یونائیٹڈ کی انتظامیہ نے ماضی میں نظم و ضبط کی خلاف ورزی پر رونالڈو کو ڈراپ کرنے کے ہیگ کے فیصلے کی حمایت کی۔
ٹین ہیگ نے کہا کہ رونالڈو کا عمل ان ’معیارات اور اقدار‘ سے متصادم تھا جن کے حوالے سے ہیگ چاہتے کہ ان کے کھلاڑی ان پر عمل کریں جب کہ ڈچ مینیجر نے خبردار کیا کہ رونالڈو نے پھر اسی رویے کا مظاہرہ کیا تو اس کے ’نتائج‘ ہوں گے۔
لیکن جب مورگن نے رونالڈو سے ان کے ٹین ہیگ کے ساتھ تعلقات کے بارے میں سوال کیا تو انہوں نے اس کا سختی کے ساتھ جواب دیا کہ ’میں ان کی کوئی عزت نہیں کرتا کیوں کہ وہ میری عزت نہیں کرتے۔‘ ان کا کہنا تھا کہ ’اگر آپ میری عزت نہیں کرتے تو میں کبھی آپ کی عزت نہیں کروں گا۔‘ ٹین ہیگ کو اس سال موسم گرما میں فٹ کلب اجیکس سے مانچسٹر یونائیٹڈ کا مینیجر مقرر کیا گیا تھا۔
پھر جب مورگن نے سوال کیا کہ کیا یونائیٹڈ اور ٹین ہیگ نے ان گرمیوں میں انہیں جانے پر مجبور کرنے کی کوشش کی تو رونالڈو نے کہا: ’ہاں، نہ صرف کوچ نے بلکہ دو یا تین دوسرے لوگوں نے بھی۔ ان کا تعلق کلب کے ساتھ ہے۔‘ مزید زور دینے پر رونالڈو کا کہنا تھا: ’لگتا ہے کہ مجھے دھوکہ دیا گیا اور میں نے محسوس کیا کہ بعض لوگ مجھے یہاں نہیں دیکھنا چاہتے۔ نہ صرف اس سال بلکہ گذشتہ سال بھی۔‘
رونالڈو 11 سال بعد گذشتہ موسم گرما میں مانچسٹر یونائیٹڈ میں واپس آئے۔ انہوں نے دنیا کے مہنگے ترین کھلاڑی کی حیثیت سے ریئیل میڈرڈ میں شامل ہونے کے لیے یونائیٹڈ کو چھوڑ دیا تھا۔ لیکن کلب کو پریمیئر لیگ سیزن میں بدترین صورت حال کا سامنا کرنا پڑا اور وہ چیمپیئز لیگ کے لیے کوالیفائی کرنے میں ناکام رہا۔
یونائیٹڈ نے سیزن کے وسط میں اولے گونر سولشر کو برطرف کر دیا تھا اور ان کی جگہ رونالڈو کے سابق ساتھی کو عبوری کوچ رالف رینگ نک کے ساتھ رکھا گیا۔
اپنے انٹرویو کے اگلے حصے میں رونالڈو نے اس بات پر سخت تنقید کی کہ کلب کو کس طرح چلایا جا رہا ہے اوران کے پہلی بار کلب کا حصہ بننے کے بعد کس طرح چھوٹی چھوٹی باتوں نے اولڈ ٹریفرڈ کو بدل کر رکھ دیا ہے۔
رونالڈو نے مورگن کو بتایا کہ ’میں نہیں جانتا کہ کیا ہو رہا ہے لیکن سر ایلکس فرگوسن کے جانے کے بعد سے میں نے میں کلب میں کوئی ترقی نہیں دیکھی۔ اس کی کارکردگی صفر ہے۔ مثال کے طور ہمارے لیے یہ بات دلچسپ ہے کہ مانچسٹر یونائیٹڈ جیسے کلب نے اولے کو نکالنے کے بعد سپورٹس ڈائریکٹر رالف رینگ نک کو کیسے خریدا اور لائے۔ یہ ایسی بات ہے جو کسی کی سمجھ میں نہیں آتی۔ یہ شخص کوچ تک نہیں ہیں۔ مانچسٹر یونائیٹڈ جیسا ایک بڑا کلب (ایک) سپورٹس ڈائریکٹر کو لاتا ہے۔ اس بات کی نہ صرف مجھے حیرت ہوئی بلکہ ساری دنیا کو۔ یہ بات آپ جانتے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
’کوئی تبدیلی نہیں آئی۔ حیرت کی بات ہے۔ نہ صرف پول، ٹب یہاں تک کہ جِم… حتیٰ کہ کسی حد تک ٹیکنالوجی، کچن، شیف جن کی میں تعریف کرتا ہوں کہ وہ پیارے لوگ ہیں۔ وہ ایک وقت پر ٹھہر گئے جس پر مجھے بڑی حیرت ہوئی۔ میں نے سوچا تھا کہ مجھے کچھ مختلف دکھائی دے گا، مختلف جیسا کہ میں پہلے کہہ چکا ہوں، ٹیکنالوجی، بنیادی ڈھانچہ۔ لیکن بدقستمی سے ہم بہت سے وہی چیزیں دیکھتے ہیں جو میں دیکھا کرتا تھا جب میری عمر 20، 21، 23 سال تھی۔ لہٰذا مجھے اس پر بہت حیرت ہوئی۔‘
رونالڈو نے یونائیٹڈ کی ٹیم کے سابق ساتھی وین رونی کو بھی تنقید کا نشانہ بنایا اس نکتہ چینی پر جو انہوں نے ان پر ٹوٹنہم کے خلاف آنے سے انکار پر کی۔ اخبار دا سن میں لکھتے ہوئے مورگن نے انکشاف کیا کہ رونالڈو کا کہنا تھا کہ ’میں نہیں جانتا کہ انہوں نے مجھ پر اس بری طرح کیوں تنقید کی، شاید اس وجہ سے کہ انہوں نے اپنا کیریئر ختم کر لیا تھا اور میں اب تک اعلیٰ سطح پر کھیل رہا ہوں۔ میں یہ نہیں کہوں گا کہ میں ان سے بہتر دکھائی دے رہا ہوں۔ جو حقیقت ہے۔‘
ماضی میں اگست میں رونالڈو نے ان ’جھوٹی باتوں‘ پر تنقید کی جو ان کے مستقبل کے بارے میں میڈیا پر رپورٹ کی گئیں اور انہوں نے عزم کیا کہ وہ ایک انٹرویو میں ’حقیقت‘ بیان کریں گے۔ رونالڈو کے رویے پر یونائیٹڈ میں ان کے سابق ساتھی سکائی سپورٹس کے پنڈت گیری نیویل نے بھی تنقید کی ہے، جنہیں پرتگال سے تعلق رکھنے والے رونالڈو نے مانچسٹر یونائیٹڈ کے ایک حالیہ میچ میں کوئی گول نہیں کرنے دیا تھا۔
یونائیٹڈ کے ڈریسنگ روم کے ایک اور سابق رکن ریو فرڈیننڈ کے مطابق کلب میں واپسی کے بعد رونالڈو کا نیویل کے ساتھ تعلق اب ’ختم‘ ہو چکا ہے۔
مانچسٹر یونائیٹڈ نے پیر کو اپنے بیان میں کہا: ’مانچسٹر یونائیٹڈ نے کرسٹیانو رونالڈو کے انٹرویو کے حوالے سے میڈیا کوریج کا جائزہ لیا ہے۔ مکمل حقائق سامنے آنے کے بعد کلب اپنے ردعمل پر غور کرے گا۔‘
مزید کہا گیا: ’ہماری توجہ سیزن کے دوسرے نصف کی تیاری اور کھلاڑیوں، مینیجر، عملے اور شائقین کے درمیان تعلق، یقین اور اتحاد کو جاری رکھنے پر مرکوز ہے۔‘
© The Independent
