چینی مبینہ جاسوس غبارے کی امریکی فضا میں آمد کی دیر تھی کہ امریکہ کے آسمانوں میں یکے بعد دیگرے نامعلوم چیزوں کا تانتا بندھ گیا۔

اور پھر امریکی صدر جو بائیڈن کے حکم پر امریکی افواج یا مشترکہ آپریشن کے ذریعے ان کو مار گرائے جانے کا سلسلہ شروع ہوگیا۔

انڈپینڈنٹ عریبیہ کے کارٹونسٹ کے زاویے سے امریکی صدر کو اب خواب میں بھی شاید خلائی مخلوق نہ دکھائی دیتی ہو، تاہم یہ واضح کرتے چلیں کہ امریکی وائٹ ہاؤس کے مطابق ان واقعات کا کسی خلائی مخلوق سے کوئی تعلق نہیں ہے۔