پاکستان کرکٹ بورڈ (پی سی بی) نے منگل کو بتایا کہ نیوزی لینڈ کرکٹ ٹیم پاکستان کے خلاف وائٹ بال سیریز کھیلنے کے لیے لاہور پہنچ گئی۔

مہمان ٹیم نے ٹام لیتھم کی قیادت میں گرین شرٹس کے خلاف پانچ ون ڈے اور پانچ ٹی ٹوئنٹی میچ کھیلنا ہیں۔

دونوں ٹیموں کے درمیان 14، 15، 17 اپریل کو لاہور کے قذافی سٹیڈیم میں تین جبکہ 20 اور 24 اپریل کو راولپنڈی میں ٹی ٹوئنٹی میچ ہوں گے، جس کے بعد ون ڈے سیریز کا انعقاد ہو گا۔

پی سی بی کے مطابق چوتھے اور پانچویں ٹی ٹوئنٹی اور پانچ ایک روزہ بین الاقوامی میچوں کے ٹکٹ 11 اپریل سے آن لائن دستیاب ہیں۔

اس سیریز میں پاکستان کے ٹاپ فاسٹ بولر شاہین شاہ آفریدی کی چار مہینے بعد عالمی کرکٹ میں واپسی ہو رہی ہے۔

شاہین آفریدی گذشتہ سال جولائی میں سری لنکا کے خلاف گال ٹیسٹ میں گھنٹے کی انجری کا شکار ہو گئے تھے۔

انہوں نے آخری مرتبہ ٹی ٹوئنٹی ورلڈ کپ میں کے فائنل میں پاکستان کی نمائندگی کی تھی۔

اس کے علاوہ کپتان بابر اعظم اور وکٹ کیپر محمد رضوان، جنھیں افغانستان کے خلاف سیریز میں آرام دیا گیا تھا، دوبارہ ایکشن میں نظر آئیں گے۔