افغانستان کرکٹ بورڈ نے قومی کرکٹ ٹیم کی صلاحیت سازی اور جسمانی تیاری کو بہتر بنانے کے لیے دو نئے برطانوی کوچز کو بھرتی کیا ہے۔
افغانستان کی باختر نیوز ایجنسی کی ایک خبر کے مطابق بورڈ کے مطابق ٹیبی ریڈفورڈ ٹیم کے بیٹنگ کوچ جبکہ رابرٹ اہمن ٹیم کے فزیکل فٹنس اور صلاحیت سازی کے کوچ کے طور پر خدمات انجام دیں گے۔
دونوں کوچز ویسٹ انڈیز کے خلاف تین میچوں پر مشتمل ٹوئنٹی-20 سیریز شروع ہونے سے قبل قومی ٹیم میں شامل ہوں گے۔
ٹیبی ریڈفورڈ، جو ولز سے تعلق رکھتے ہیں اور سابق فرسٹ کلاس کرکٹر ہیں، نے مڈل سیکس اور سسیکس ٹیموں کا تجربہ رکھتے ہیں۔ وہ انگلینڈ کرکٹ بورڈ کے لیول-4 سرٹیفائیڈ کوچ ہیں اور 2012 میں ویسٹ انڈیز کی ٹوئنٹی-20 ورلڈ کپ جیت اور 2019 میں انگلینڈ کے خلاف تاریخی ٹیسٹ سیریز میں ٹیم کی کوچنگ میں کلیدی کردار ادا کر چکے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
وہ کرکٹ پر مشہور کتاب ’Getting to Grips‘ کے مصنف بھی ہیں۔
دوسری جانب، رابرٹ اہمن ولز کے شہر کارڈیف سے تعلق رکھتے ہیں اور ایلیٹ سطح پر فزیکل فٹنس کے ماہر مانے جاتے ہیں۔ وہ حال ہی میں انگلینڈ اور ولز کرکٹ بورڈ میں پرفارمنس سائنس اور اسپورٹس میڈیسن کے سربراہ رہے ہیں اور دسمبر 2022 سے قومی ٹیموں کی جسمانی تیاری اور صحت کی دیکھ بھال کی ذمہ داری سنبھال رکھی ہے۔
اہمن 2017 تا 2022 انگلینڈ کرکٹ کے کھلاڑیوں کی ترقیاتی پروگرامز میں شامل رہے اور انہوں نے ولز یونیورسٹی سے اسپورٹس سائنس اور فزیکل ٹریننگ میں ماسٹرز کی ڈگری حاصل کی ہے۔
افغانستان کی قومی کرکٹ ٹیم 19، 21 اور 22 جنوری کو دبئی میں ویسٹ انڈیز کے خلاف تین میچوں پر مشتمل ٹوئنٹی-20 سیریز کھیلنے جارہی ہے، جس کے بعد ٹیم 2026 کی ٹوئنٹی-20 ورلڈ کپ میں بھارت اور سری لنکا کے لیے روانہ ہوگی۔
بورڈ نے مزید کہا کہ ہیڈ کوچ اور سپن بولنگ کوچ کے عہدوں کے لیے انتخاب کا عمل ابھی جاری ہے۔ تاہم ماہرین کا ماننا ہے کہ ورلڈ کپ سے چند دن پہلے یہ تقرریاں تیاری میں مشکلات درپیش کر سکتی ہیں۔
