اداکار و پروڈیوسر عدنان صدیقی گذشتہ کچھ عرصے سے اپنی فلم ’دم مستم‘ کی تشہیر کے سلسلے میں ویسے ہی خبروں میں اِن ہیں اور اب سابق وزیراعظم نواز شریف سے لندن میں ملاقات کے بعد سوشل میڈیا پر کچھ حلقوں کی جانب سے انہیں تنقید کا نشانہ بنایا جارہا ہے۔
اس ملاقات کے بعد سوشل میڈیا پر جاری ویڈیو میں عدنان صدیقی نے کہا: ’بہت زبردست ملاقات رہی۔ میں اپنی فلم کے حوالے سے آیا تھا۔ ہم اپنی فلم کی پروموشن کر رہے ہیں تو ان کو دعوت دینے آیا تھا کہ ہماری فلم آ کے دیکھیے، ہم نے بڑی محنت کی ہے۔‘
عدنان صدیقی نے مزید کہا: ’انہوں (نواز شریف) نے بھی بتایا کہ ہم آپ کی برادری کے لیے بھی سوچ رہے ہیں۔ فلم پالیسی کے حوالے سے بھی بڑی گفتگو رہی۔‘
I had a great meeting: Adnan Siddiqui https://t.co/KCEJX6mkLD pic.twitter.com/x3zHDHLmIl
— Murtaza Ali Shah (@MurtazaViews) May 16, 2022
عدنان صدیقی کی یہ ویڈیو سامنے آنے کے بعد سوشل میڈیا صارفین نے انہیں سابق وزیر اعظم ںواز شریف سے ملاقات کرنے پر تنقید کا نشانہ بنانا شروع کر دیا۔
وقار اشرف نامی ٹوئٹر صارف نے تحریر کیا: ’عدنان صدیقی نے خود اپنے پاؤں پر کلہاڑی مار لی۔‘
Adnan Siddiqui just fired a bullet in his own foot.
— Waqar Ashraf (@WaqarAs98674067) May 16, 2022
ٹوئٹ صارف امتیاز نے اپنے خیالات کا اظہار کرتے ہوئے لکھا کہ ’اب پی ٹی آئی سے تعلق رکھنے والا ہر شخص صرف عدنان صدیقی کو تنگ کرنے کے لیے ’ڈاکٹر سٹرینج‘ دیکھے گا۔
عید الفطر پر ہالی وڈ فلم ’ڈاکٹر سٹرینج‘ کی نمائش کے خلاف پاکستان فلم پروڈیوسرز ایسوسی ایشن اور آرٹس کونسل آف پاکستان کراچی کے عہدیداران نے ہنگامی پریس کانفرنس کی تھی۔ اس موقعے پر فلم ’دم مستم‘ عدنان صدیقی نے کہا تھا کہ ’آئندہ فلم بنانے سے پہلے میں سوچوں گا۔‘
Now everyone from PTI will watch Dr Strange... just to piss off Adnan Siddiqui https://t.co/Ii1M5EMqZv
— Imtiaz Gadar (@IGadar) May 16, 2022
ایک صارف نے عدنان صدیقی کی پرانی سیلفی شیئر کی، جس میں ان کے عقب میں آگ لگی ہوئی ہے۔ آرٹیکل 6 نامی صارف نے آگ اور دھویں کے مقام پر ’فلم‘ لکھ کر تصویر شیئر کی اور ساتھ میں تحریر کیا: ’عدنان صدیقی نواز شریف سے ملنے کے بعد۔‘
Adnan Siddiqui after meeting nawaz sharif pic.twitter.com/5bgC24TBwl
— Article 6 (@Saint83) May 16, 2022
کچھ صارفین عدنان صدیقی اور نواز شریف کی حمایت میں بھی سامنے آئے۔
سعد قیصر نامی ٹوئٹر صارف نے تحریر کیا: ’پاکستان کی مشہور شخصیات کی جانب سے شدید تنقید کا نشانہ بنائے جانے کے باوجود نواز شریف عدنان صدیقی سے مہربانی اور احترام سے ملے۔‘
انہوں نے مزید لکھا کہ ’یہ ایک ایسی چیز ہے جو پاکستان تحریک انصاف اپنے فاشسٹ لیڈر کی وجہ سے نہیں سمجھ پاتی۔‘
Even after a lot of criticism by Pakistani celebrities, Nawaz Sharif met Adnan Siddiqui with kindness & respect. Something which pti cult doesn’t understand because of their fascist leader. pic.twitter.com/H1WCuXCpde
— Saad Kaiser (@TheSaadKaiser) May 16, 2022
فیصل احمد جعفری نامی ٹوئٹر صارف نے عدنان صدیقی کی عمران خان کی حمایت میں کی گئی ایک ٹویٹ شیئر کرتے ہوئے لکھا کہ ’عدنان صدیقی کو سولی پر لٹکانا چھوڑ دیں۔ بلاضرورت دشمنیاں بنانے سے گریز کریں۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
عید الفطر کے موقعے پر ہالی وڈ فلم ’ڈاکٹر سٹرینج‘ کی نمائش کے خلاف صدر آرٹس کونسل محمد احمد شاہ، اداکار جاوید شیخ، اداکار و ہدایت کار یاسر نواز، ندا یاسر، عدنان صدیقی، وجاہت رؤف، شازیہ وجاہت، ستیش آنند، امجد رشید اور بدر اکرام نے پریس کانفرنس میں مطالبہ کیا تھا کہ سینیما گھروں میں پاکستانی فلموں کے شو بحال کیے جائیں۔
عیدالفطر پر پاکستانی سینیما گھروں میں ریلیز کی جانے والی پاکستانی فلموں کے پروڈیوسرز کا مشترکہ پریس کانفرنس میں کہنا تھا کہ ہم نے اپنی جمع پونجی لگا کر فلمیں بنائیں مگر اب سینیما گھروں میں ہماری فلموں کی جگہ ہالی وڈ کی فلموں کو دے دی گئی جو کہ غلط ہے۔