پاکستان نے راولپنڈی میں بولرز کی شاندار کارکردگی کی بدولت سری لنکا کو باآسانی چھ وکٹوں سے شکست دے کر سہ ملکی سیریز جیت لی ہے۔
راولپنڈی میں ہفتے کو کھیلے گئے سہ ملکی سیریز کے فائنل میں پاکستان نے 115 کا ہدف چار وکٹوں کے نقصان پر حاصل کر لیا۔
پاکستان کی جانب سے صائم ایوب 36 اور بابر اعظم 37 رنز کے ساتھ نمایاں رہے۔
اس طرح پاکستان نے زمبابوے اور سری لنکا کے ساتھ کھیلی جانے والی سہ ملکی سیریز میں اپنے نام کر لی ہے۔ اس سیریز میں پاکستان کو صرف ایک ہی میچ میں شکست کا سامنا کرنا پڑا تھا۔
پاکستان نے ٹاس جیت کر لگاتار دو میچ جیتنے والی سری لنکن ٹیم کو بیٹنگ کی دعوت دی تو ایک بار پھر لنکن بلے باز عمدہ آغاز کا فائدہ نہ اٹھا سکے۔
سری لنکا نے صرف تین وکٹوں کے نقصان پر 98 رنز بنائے تاہم اس کے بعد لگاتار وکٹیں گرنے کا سلسلہ شروع ہو گیا اور پوری ٹیم صرف 114 رنز ہی بنا سکی۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
پاکستان کی جانب سے شاہین آفریدی اور محمد نواز نے تین، تین کھلاڑیوں کو آؤٹ کیا جبکہ ابرار احمد دو وکٹیں لینے میں کامیاب رہے۔
ہدف کے تعاقب میں پاکستانی اوپنرز نے 46 رنز کی شراکت داری قائم کی۔ صاحبزادہ فرحان 23 جبکہ صائم ایوب 36 رنز بنا کر آؤٹ ہوئے۔
سری لنکن کپتان نے اس مختصر ہدف کا دفاع کرنے کے لیے سات بولرز کا استعمال کیا جن میں سے صرف تین بولرز ہی وکٹیں لینے میں کامیاب ہو سکے۔
