وفاقی وزیر برائے ماحولیاتی تبدیلی زرتاج گل اکثر و بیشتر اپنے 'منفرد' بیانات کی وجہ سے خبروں میں اِن رہتی ہیں اور آج پھر پاکستان کے ٹوئٹر ٹرینڈز میں ان کے چرچے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
18 جون کو زرتاج گل نے پاکستان ٹیلی ویژن (پی ٹی وی) نیوز کے پروگرام 'سچ کے ساتھ' میں شرکت کی، جہاں میزبان انوار الحسن سے گفتگو کے دوران انہوں نے بتایا کہ پی ٹی آئی حکومت نے کرونا (کورونا) وائرس سے بچاؤ اور نمٹنے کے لیے کون کون سے اقدامات اٹھائے ہیں۔
تاہم اسی گفتگو کے دوران انہوں نے کرونا وائرس کے سائنسی نام 'کووڈ 19' کا بھی مطلب بتا دیا۔
زرتاج گل نے کہا: 'کوڈ 19 کا مطلب ہے کہ اس کے 19 پوائنٹس ہیں جو کسی بھی ملک میں کسی بھی طرح اپلائی ہوسکتے ہیں۔'
In Covid-19, 19 refers to 19 points that can apply to any country, according to Zartaj gul #Zartajgul pic.twitter.com/B4tSsvwSJQ
— Muhammad Ehsan Ullah (@MuhammadEhsanU8) June 20, 2020
پروگرام کا یہ کلپ سوشل میڈیا پر وائرل ہے اور لوگ زرتاج گل پر تنقید کرنے کے ساتھ ساتھ مذاق کا نشانہ بھی بنا رہے ہیں۔
ایک صارف نے میم شیئر کرتے ہوئے طنزیہ انداز میں لکھا: زرتاج گل کے لیے تالیاں۔'
Slow clap for #Zartajgul pic.twitter.com/jLMt8eOWT5
— Yumna Zaheer Chaudhry (@yumna_zaheer) June 21, 2020
ذوہیب احمد نامی صارف نے ایک میم کے ذریعے اپنے خیالات کا اظہار کچھ یوں کیا۔
19 points of covid19 #Zartajgul#TweetLikeZartaj pic.twitter.com/c1j9Ix5kLg
— Zohaib Ahmed (@XohaibAhmed_) June 21, 2020
حنا کشمیری نامی ایک صارف نے لکھا: 'میں زرتاج گل کی عقل اور معلومات پر حیران ہوں۔'
Zartaj Gul is a Pakistani politician who is the current Minister of State for Climate Change
After watching #Zartajgul clips , I am astonished by her wisdom and knowledge#COVIDIOTS #COVID19 #COVID19Pakistan pic.twitter.com/GZJ76GTpIJ
— hinaKashmir (@HinaKashmir) June 21, 2020
جہاں لوگ زرتاج گل پر تنقید کر رہے ہیں، وہیں ایک صارف نے وفاقی وزیر کی حمایت میں بات کرتے ہوئے لکھا کہ 'ان پر بے بنیاد تنقید کی جا رہی ہے،لیکن ایسے لوگوں سے کیا امید کی جاسکتی ہے۔'
Absolute USELESS Criticism ongoing on #Zartajgul @zartajgulwazir But what to expect more from such people!!
— MA9 (@MA9_ansari) June 21, 2020
ایک صارف نے لکھا کہ ہم سے تو آج تک قائداعظم کے 14 نکات یاد نہ ہوئے، زرتاج گل کے 19 نکات کیسے یاد کریں گے؟
ہم سے تو آج تک قائد اعظم کے چودہ نکات یاد نہیں ہوئے پتا نہیں ہماری ففتھ جنیریشن زرتاج گل کے انیس نکات کیسے یاد کرے گی#Zartajgul
— Covid-19 Front Liners (@corticosteriod) June 21, 2020
اس تمام تنقید اور طنز و مذاق کے بعد زرتاج گل نے وضاحتی ٹویٹ میں اپنی غلطی تسلیم کی اور لکھا کہ 'میں روزانہ ٹی وی پر پرچی کے بغیر گھنٹوں بات کرتی ہوں۔'
انہوں نے مزید لکھا کہ وہ کہنا چاہتی تھیں کہ وبا کا اثر اور شدت مختلف ممالک میں مختلف ہے۔
ساتھ ہی وفاقی وزیر نے مخالفین پر تنقید کرتے ہوئے کہا کہ 'چند لمحوں کی خطا پر یوں ماتم کناں ہونے کی بجائے اپنی جماعتوں کے حشر نشر پر توجہ دیں تو شاید ان کے حق میں بہتر ہو۔ میں تنقید سے نہیں گھبراتی بلکہ مضبوط ہوتی ہوں۔'
روزانہ ٹی وی پر گھنٹوں بات کرتی ہوں، پرچی کے بغیر۔
کہنا چاہتی تھی کہ وباء کا اثر، شدت مختلف ممالک میں مختلف ہیں۔
چند لمحوں کی خطاء پر یوں ماتم کناں ہونے کی بجائے اپنی جماعتوں کے حشر نشر پر توجہ دیں تو شائد ان کے حق میں بہتر ہو۔ تنقید سے نہیں گھبراتی، اور مظبوط ہوتی ہوں۔
— Zartaj Gul Wazir (@zartajgulwazir) June 20, 2020
واضح رہے کہ رواں برس مارچ میں انڈپینڈنٹ اردو کو دیے گئے خصوصی انٹرویو میں زرتاج گل نے دعویٰ کیا تھا کہ 'ڈینگی کی طرح کرونا وائرس بھی اب ہر سال آیا کرے گا۔'
ان کا کہنا تھا: 'میں ڈاکٹر تو نہیں لیکن یہ کہہ سکتی ہوں کہ گرم موسم میں اس وائرس کی زندگی کم ہو جاتی ہے۔ یہ وائرس اب رہے گا، یہ دنیا سے مکمل ختم نہیں ہو گا۔