پاکستان کرکٹ بورڈ (پی سی بی) نے پیر کو تیز بولر شاہین شاہ آفریدی کو پاکستان کی ون ڈے ٹیم کا کپتان مقرر کر دیا۔
پی سی بی کے مطابق بائیں ہاتھ کے بولر جنوبی افریقہ کے خلاف چار سے آٹھ نومبر تک فیصل آباد میں شیڈول تین ون ڈے میچوں کی سیریز میں قیادت کریں گے۔
ان کی اس سیریز کے لیے تقرری آج اسلام آباد میں ہونے والے ایک اجلاس کے بعد کی گئی، جس میں وائٹ بال ہیڈ کوچ مائیک ہیسن، ڈائریکٹر ہائی پرفارمنس عاقب جاوید اور سلیکشن کمیٹی کے ارکان نے شرکت کی۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
25 سالہ شاہین نے 66 ون ڈے اور 92 ٹی ٹوئنٹی میچ کھیلے ہیں، جن میں انہوں نے مجموعی طور پر 249 وکٹیں حاصل کیں۔
32 ٹیسٹ میچوں میں، جن میں راول پنڈی میں جنوبی افریقہ کے خلاف جاری دوسرا ٹیسٹ شامل نہیں، شاہین نے 120 وکٹیں حاصل کیں۔
وہ اس سے قبل 2024 میں نیوزی لینڈ کے خلاف ان کے ہوم گراؤنڈ پر پانچ ٹی ٹوئنٹی انٹرنیشنل میچوں میں پاکستان کی قیادت کر چکے ہیں۔
