متحدہ عرب امارات (یو اے ای) نے منگل کو اعلان کیا ہے کہ وہاں اب دفتری اوقات ہفتے میں ساڑھے چار دن ہوا کریں گے جب کہ جمعے کی سہ پہر سے لے کر ہفتہ اور اتوار چھٹی کے دن ہوں گے۔
یو اے ای حکومت کے آفیشل اکاؤنٹ سے کی گئی ٹویٹ کے مطابق اوقات کار کا ہفتہ پیر سے شروع ہوگا اور جمعے کی سہ پہر تک ختم ہو جائے گا۔
#UAE announces today that it will transition to a four and a half day working week, with Friday afternoon, Saturday and Sunday forming the new weekend.
— UAEGOV (@UAEmediaoffice) December 7, 2021
All Federal government departments will move to the new weekend from January 1, 2022. pic.twitter.com/tQoa22pai9
وفاقی ملازمین کے اوقات کار صبح ساڑھے سات بجے سے سہ پہر ساڑھے تین بجے تک مقرر کیے گئے ہیں جبکہ جمعے کو ملازمین ساڑھے چار گھنٹے کام کریں گے۔
جمعے کے روز، ملازمین کو گھر سے کام کرنے کے اختیار کا انتخاب کرنے کی بھی اجازت ہوگی۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اعلان کے مطابق طویل ویک اینڈ کا مقصد افراد کی پیداواری صلاحیت کو بڑھانا اور کام اور زندگی کے توازن کو بہتر بنانا ہے۔
وفاقی حکومت کے تمام محکمے یکم جنوری 2022 سے نئے ویک اینڈ شیڈول کے مطابق کام کریں گے۔
اعلان میں یہ بھی کہا گیا ہے کہ پورے سال یو اے ای میں دوپہر سوا ایک بجے کے بعد جمعے کا خطبہ اور نماز ہوگی۔
