انڈیا کے زیر انتظام کشمیر میں کرکٹ بیٹ بنانے کا سفر 1920 میں شروع ہوا جب والٹر آر لارنس نے انگلستان سے درآمد کی جانے والی ولو بید یعنی بید کی شجرکاری شروع کی۔ کشمیر گذشتہ ایک سو دو سالوں سے کرکٹ کے بلے بنا رہا ہے۔
آج، سنگم گاؤں میں سری نگر جموں ہائی وے پر دکانوں کے باہر بید کی لکڑی کے ڈھیر دیکھے جا سکتے ہیں۔ دکانوں کے پیچھے چھوٹے مینوفیکچرنگ یونٹس ہیں، جہاں اس بید سے کرکٹ کے بلے ہاتھ سے بنائے جاتے ہیں جو باقی ہندوستان اور دنیا بھر میں کرکٹ کھیلنے والے دیگر ممالک میں اپنا راستہ تلاش کرتے ہیں۔
اس وقت کشمیر میں 400 مینوفیکچرنگ یونٹس ہیں اور یہ 300 کروڑ سے زیادہ کی اس صنعت ہے۔ کشمیر گذشتہ ایک سو دو سالوں سے کرکٹ کے بلے بنا رہا ہے اور اس کے بعد سے پورے کشمیر میں کسی بھی جگہ بید کا ایک سادا درخت نہیں لگایا گیا جس سے خطے کی مشہور کرکٹ بیٹ انڈسٹری متاثر ہو رہی ہے اور کرکٹ کے بلے کی سپلائی خطرے میں پڑ رہی ہے۔
جی آر 8 سپورٹس کے مالک فیض الکبیر بتاتے ہیں کہ ’اگر آپ ابھی دیکھیں گے تو ہم بھی ترقی کر چکے ہیں اور ہماری صنعت بھی ترقی کر چکی ہے۔ متحدہ عرب امارات میں گذشتہ ورلڈ کپ میں کشمیری برانڈ جی آر 8 بین الاقوامی کرکٹ میں استعمال ہونے والا پہلا بیٹ تھا۔‘
فیض الکبیر نے انڈپینڈنٹ اردو سے بات کرتے ہوئے کہا کہ ’آسٹریلیا میں ہوئے ورلڈ کپ میں متحدہ عرب امارات کی کرکٹ ٹیم نے ہمارے بنائے بلے استعمال کیے اور عالمی کپ میں جنید خان نے 109 میٹر کا سب سے بڑا چھکا ہمارے ہی تیار کردہ بلے سے لگایا۔‘
کرکٹ بیٹ کی مانگ بڑھی ہے، مینوفیکچرنگ بڑھی ہے لیکن مینوفیکچرنگ یونٹس اب کشمیر میں خام مال کی کمی کا سامنا کر رہے ہیں کیونکہ پچھلے 100 سالوں سے کسی نے بھی اس خطے میں بید کا ایک درخت نہیں لگایا ہے۔
فضیل نے انڈپینڈنٹ اردو کو بتایا کہ ’ہمیں انٹرنیشنل کرکٹ کونسل یا کرکٹر کی ضرورت کے مطابق کسی بھی پیرامیٹرز میں کہیں بھی کمی نہیں ہے لیکن فی الحال ہمیں خام مال کی کمی کا سامنا ہے کیونکہ ہم بید کو کاٹ رہے ہیں۔‘
ان کا کہنا ہے کہ ’چونکہ ہمیں اس معیار کا خام مال نہیں مل رہا جس سے ہم ترقی کر رہے تھے اور اب ہم مستقبل قریب میں یہ حاصل نہیں کر پائیں گے کیونکہ بید کے درخت کشمیر سے معدوم ہو رہے ہیں۔ اگر آپ دیکھ سکتے ہیں کہ بید یا تو کشمیر یا انگلینڈ میں اگایا جاتا ہے۔‘
کئی سالوں سے، اس خطے کے کسان بید کی جگہ روسی پوپلر لگا رہے ہیں۔ کسانوں نے بید کے بجائے چنار کا انتخاب کیا کیونکہ اس کی تیزی سے نشوونما اور پختگی ہوتی ہے جس سے انہیں بید کے درختوں سے زیادہ آمدنی ہوتی ہے۔
ایک کسان محمد عبد اللہ ڈار نے انڈپینڈنٹ اردو کو بتایا کہ ’اس وقت ہم پوپلر کے درخت لگا ہے ہیں کیونکہ یہ بید کے درخت سے کم وقت میں پک جاتے ہیں۔ کشمیری بید اب کم تعداد میں ہے اور ہم پہلے بید لگاتے تھے اور کرکٹ کے بیٹ فیکٹریوں کو فروخت کرتے تھے۔‘
’بعد میں حکومت نے روسی پوپلر کے درخت متعارف کروائے اور انہیں بید کے درختوں کی جگہوں پر لگایا۔ پوپلر کے لگائے ہوئے درخت بید کے درختوں سے کم وقت میں پختہ ہو جاتے ہیں۔‘
’ہم اب بید کے درخت نہیں لگاتے بلکہ پوپلر کے درختوں پر توجہ مرکوز کرتے ہیں۔ زندگی میں ایک شخص پوپلر سے دو سے تین گنا آمدنی حاصل کر سکتا ہے جو کہ بید کے مقابلے میں حکومت نے متعارف کرایا تھا جسے پختہ ہونے میں کافی وقت لگتا ہے۔‘
محمد عبداللہ ڈار کہتے ہیں کہ ’ہم حکومت سے گزارش کرتے ہیں کہ کوئی ایسی ہائبرڈ بید متعارف کرائے جو ہمارے پاس اس وقت موجود بید کے مقابلے کم وقت میں پختہ ہو جائے۔ بید چنار سے زیادہ اہم ہے اور ہم بید کے پودے کی طرف واپس جا سکتے ہیں کیونکہ اس کی قیمت پوپلر سے زیادہ ہے لیکن اسے پختہ ہونے میں کافی وقت لگتا ہے۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
کشمیر میں بننے والے کرکٹ بیٹ دنیا کی 70 فیصد مانگ کو پورا کرتے ہیں۔ صنعت کے مالکان بید کی کم ہوتی پیداوار سے نمٹنے کے لیے سرتوڑ کوششیں کر رہے ہیں جبکہ ان میں سے کچھ نے اس مسئلے سے نمٹنے کے لیے تجاویز بھی دی ہیں لیکن ابھی تک ان کا کوئی مثبت نتیجہ سامنے نہیں آیا۔
سٹار کرکٹ سپورٹس کے مالک اشفاق احمد نے انڈپینڈنٹ اردو کو بتایا کہ ’ہم نے بید کی کمی کے لیے حکومتی مداخلت کی درخواست کی، ہم نے دیگر اداروں سے بھی مدد مانگی اور ان سے کہا کہ وہ بڑے پیمانے پر آگاہی مہم شروع کریں تاکہ ایک کسان بھی بید کے درختوں کی اہمیت کو سمجھ سکے۔‘
’اگر میں اپنی فرم کے بارے میں بات کرتا ہوں اور اس مسئلے سے نمٹنے کے لیے میرے پاس کچھ ذاتی مشورے ہیں تو ایک یہ کہ کسانوں کو ترغیب دی جائے کہ وہ صرف بید کے درخت ہی لگائیں، دوسرا یہ کہ رہائشی علاقوں میں پوپلر کے درختوں پر پابندی عائد کی جائے۔ صحت کے مسائل اس سے جڑے ہوئے ہیں، ہم اسی زمین کو بید کی کاشت کے لیے استعمال کر سکتے ہیں، تیسرا سرکاری زمین کا استعمال ہے جو ہمارے مینوفیکچرنگ یونٹس کے قریب ہے۔ یہ تینوں آپشنز میرے اپنے نقطہ نظر سے کشمیر کی بلے کی صنعت کو بچانے کے لیے ہیں۔‘
کشمیر کے کرکٹ بیٹ بنانے والے یونٹس آنے والے مشکل وقت کو دیکھ رہے ہیں کیونکہ بید کی پیداوار کم ہو رہی ہے جس سے ان کے تیار کردہ کرکٹ بیٹس کے معیار پر بھی اثر پڑ رہا ہے۔ اس قلت سے صنعت سے وابستہ ہزاروں افراد کی روزی روٹی کو بھی خطرے میں ہے۔
پانچ سو کرکٹ بیٹ مینوفیکچرنگ یونٹس میں سے سو پہلے ہی خام مال کی عدم دستیابی کی وجہ سے بند ہو چکے ہیں۔
