ترجمان وفاقی وزارت داخلہ قادر ٹوانہ نے بتایا ہے کہ نگران وفاقی وزیر داخلہ سرفراز احمد بگٹی نے اپنے عہدے سے استعفی دے دیا ہے۔
دوسری جانب بلوچستان عوامی پارٹی (باپ) کے ایک رہنما نے نام ظاہر نہ کرنے کی شرط پر انڈپینڈنٹ اردو کو بتایا ہے کہ سرفراز بگٹی نے آئندہ انتخابات میں حصہ لینے کی غرض سے استعفی دیا ہے۔
انہوں نے کہا ہے کہ ’سرفراز بگٹی نے کسی اختلاف کے باعث استعفیٰ نہیں دیا بلکہ یہ پہلے سے طے شدہ تھا۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
میڈیا رپورٹس کے مطابق نگران وزیرداخلہ نے استعفیٰ 13 دسمبر کو نگران وزیر اعظم انوار الحق کاکڑ کو پیش کر دیا تھا۔
نگران وزیر اعظم نے سرفراز بگٹی کے استعفے کی منظوری جمعے کو دی۔
بلوچستان سے تعلق رکھنے والے سرفراز بگٹی نے اس سال 17 اگست کو نگران وفاقی وزیر داخلہ کی حیثیت سے حلف اٹھایا تھا۔