پاکستان کے صوبہ پنجاب میں آفات سے نمٹنے کے ادارے ’پی ڈی ایم اے‘ نے منگل کو ایک بیان میں کہا ہے کہ خدشہ ہے کہ انڈیا آئندہ دو دن میں دریائے ستلج میں پانی چھوڑ سکتا ہے جس سے پنجاب میں بعض مقامات پر سیلاب کی وارننگ جاری کی گئی ہے۔
پاکستان میں 26 جون سے مون سون بارشوں کا سلسلہ وقفے وقفے سے جاری ہے جس سے ملک کے تمام چھوٹے بڑے ڈیموں میں پانی کی سطح مسلسل بڑھ رہی اور دریاؤں میں بھی پانی نے بہاؤ میں اضافہ ہوا۔
پی ڈی ایم اے پنجاب کے ترجمان نے منگل کو ایک بیان میں کہا کہ ’انڈیا کی جانب سے آئندہ دو روز میں دریائے ستلج میں پانی چھوڑے جانے کا خدشہ ہے۔‘
بیان میں کہا گیا کہ انڈین ڈیمز میں پانی کی سطح میں غیر معمولی اضافہ ریکارڈ کیا گیا ہے ’ بھاکڑا ڈیم 61، پونگ ڈیم 76 اور تھین ڈیم 64 فیصد تک بھر چکے ہیں۔‘
پی ڈی ایم اے کی طرف سے کہا کہ دریائے ستلج کے بہاؤ میں مزید اضافے کا خدشہ ہے۔ ’دریائے چناب میں مرالہ خانکی اور قادر آباد کے مقام پر درمیانے سے اونچے درجے کے سیلاب کی وارننگ جاری کر دی گئی ہے۔‘
وبہ پنجاب سمیت ملک دیگر علاقوں میں بدھ کو مزید بارشوں کی پیش گوئی کی گئی ہے جس سے پنجاب کے دریاؤں میں طغیانی کا خدشہ ہے۔
پی ڈی ایم اے کے ڈائریکٹر جنرل عرفان علی کاٹھیا نے ایک بیان میں کہا کہ پنجاب میں متعلقہ محکمے 24 گھنٹے دریاؤں و ڈیمز کی صورتحال کو مانیٹر کر رہے ہیں اور صوبے کی کمشنرز ڈپٹی کمشنرز اور متعلقہ محکموں کو الرٹ رہنے کی ہدایات کی گئی ہیں۔
دریاؤں کے پاٹ میں موجود شہری فوری محفوظ مقامات پر منتقل ہو جائیں۔ ہنگامی انخلاء کی صورت میں انتظامیہ سے تعاون کریں۔‘
عوام الناس سے کہا گیا ہے کہ وہ دریاؤں نہروں ندی نالوں اور تالابوں میں ہر گز مت نہائیں اور سیلابی صورت حال میں دریاؤں کے اطراف پکنک اور غیر ضروری کراسنگ سے گریز کریں
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
پاکستان میں آفات سے نمٹنے کے قومی ادارے ’این ڈی ایم اے‘ کے اعداد و شمار کے مطابق بارشوں اور سیلاب سے 26 جون سے اب تک ملک میں 142 بچوں سمیت کم از کم 305 افراد موت کے منہ میں جا چکے ہیں جب کہ 700 سے زائد افراد زخمی بھی ہوئے۔
محکمہ موسمیات کے اعداد و شمار کے مطابق پاکستان کے دو بڑے ڈیموں میں پانی سطح میں مسلسل اضافہ ہو رہا ہے۔ تربیلا ڈیم میں 96 فیصد جبکہ منگل ڈیم 64 فیصد بھر چکا ہے۔
پاکستان کے وزیراعظم شہباز شریف نے منگل کو این ڈی ایم اے کے چیئرمین لیفٹیننٹ جنرل انعام حیدر ملک کی ملاقات میں ملک میں حالیہ بارشوں و سیلاب کے متاثرین کے لیے جاری امدادی سرگرمیوں و آئندہ کسی بھی ہنگامی صورتحال کی تیاری پر بریفنگ لی۔
وزیراعظم کے دفتر سے جاری بیان میں کے مطابق گلگت بلتستان میں پیشگی اطلاع نظام کو مکمل فعال بنانے اور وزارت موسمیاتی تبدیلی کے ساتھ اس حوالے سے تعاون پر پیش رفت پر بھی وزیراعظم کو آگاہ کیا گیا۔
وزیراعظم نے کہا کہ حالیہ بارشوں و سیلابی صورتحال کے متاثرین کی مدد و بحالی میں این ڈی ایم اے صوبوں کے ساتھ تعاون مزید مربوط بنایا جائے۔
’موسم کی صورتحال و ایسی ممکنہ ہنگامی صورتحال کے پیش نظر خطرے سے دوچار علاقے کے لوگوں کو پیشگی آگاہی یقینی بنائی جائے۔‘
