بنگلہ دیش کی تین بار وزیر اعظم رہنے والی خالدہ ضیا، منگل کو 80 برس کی عمر میں انتقال کر گئیں۔

فرانسیسی خبر رساں ادارے اے ایف پی کی ایک رپورٹ میں بتایا گیا کہ جنوبی ایشیائی ملک کی ہنگامہ خیز سیاسی طاقت کی کشمکش میں کئی دہائیوں سے ایک غالب شخصیت خالدہ ضیا نے آئندہ سال انتخابات میں حصہ لینے کا عزم ظاہر کیا تھا، یہ پہلا موقع تھا جب ایک عوامی بغاوت نے ان کے روایتی حریف کا تختہ الٹ دیا تھا۔

خرابی صحت اور قید کے باوجود، صرف پچھلے مہینے انہوں نے فروری 2026 میں متوقع انتخابات میں مہم چلانے کا وعدہ کیا تھا، جس میں ان کی بنگلہ دیش نیشنلسٹ پارٹی (بی این پی) کو بڑے پیمانے پر سب سے آگے دیکھا جاتا ہے۔

خالدہ ضیا نے سال رواں کے دوران پارٹی کارکنوں سے خطاب میں کہا تھا کہ ’پارٹی کو متحد کرو اور قیادت کرنے کے لیے تیار ہو جاؤ۔‘

لیکن نومبر کے آخر میں انہیں ہسپتال لے جایا گیا، جہاں ڈاکٹروں کی بہترین کوششوں کے باوجود، صحت کے مسائل کی وجہ سے ان کی حالت غیر ہو گئی۔

خالدہ ضیا کو شیخ حسینہ کی آمرانہ حکومت کے تحت 2018 میں بدعنوانی کے الزام میں جیل بھیج دیا گیا تھا، جس نے انہیں علاج کے لیے بیرون ملک سفر کرنے سے بھی روک دیا تھا۔

اگست 2024 میں حسینہ واجد کی معزولی کے فوراً بعد انہیں رہا کر دیا گیا۔

’بیگمات کی لڑائی‘

کئی دہائیوں سے بنگلہ دیش کی سیاست کی تعریف خالدہ ضیا اور شیخ حسینہ واجد کے درمیان تلخ دشمنی نے کی تھی، ایک جھگڑا جسے ’بیٹل آف دی بیگم‘ کہا جاتا ہے، جو ایک طاقتور خاتون کے لیے جنوبی ایشیا میں ایک اعزازی لقب ہے۔

بنگلہ دیش کی سابق وزیر اعظم خالدہ ضیا 3 ستمبر 2007 کو ڈھاکہ میں اپنی گرفتاری کے بعد چیف مجسٹریٹ عدالت سے باہر نکل رہی ہیں (اے ایف پی)

یہ نفرت 1975 میں شروع ہوئی جب شیخ حسینہ کے والد، بنگلہ دیش آزادی کے رہنما شیخ مجیب الرحمان کو ان کے خاندان کے بیشتر افراد کے ساتھ، ایک بغاوت میں قتل کر دیا گیا تھا۔

تین ماہ بعد، خالدہ ضیا کے شوہر، ضیا الرحمان، اس وقت کے نائب آرمی چیف، نے ملک کا کنٹرول سنبھال لیا تھا۔ وہ 1977 میں خود صدر بنے اور 1981 میں مارے گئے تھے۔

اس وقت دو بچوں کی ماں 35 سالہ خالدہ ضیا کو بی این پی کی قیادت وراثت میں ملی۔

ابتدائی طور پر سیاسی نوخیز ہونے کے باوجود خالدہ ضیا ایک مضبوط حریف ثابت ہوئیں اور فوجی آمر حسین محمد ارشاد کے خلاف ریلی نکالی۔ بعد ازاں انہوں نے 1990 میں انہیں اقتدار سے ہٹانے کے لیے شیخ حسینہ کے ساتھ ہاتھ ملایا۔  

دونوں خواتین آنے والی ڈیڑھ دہائی تک باری باری اقتدار میں رہیں۔

ان کی دیرینہ سیاسی دشمنی نے بحرانوں کو ہوا دی، جن میں جنوری 2007 کا تعطل بھی شامل ہے جس نے فوجی حمایت یافتہ ہنگامی حکمرانی کا آغاز کیا۔

دونوں خواتین کو ایک سال سے زائد عرصے تک حراست میں رکھا گیا۔

حسینہ نے بعد میں غلبہ حاصل کیا اور 2008 سے 2024 تک ان کی حکومت رہی۔

خالدہ ضیا کے اپنے دور حکومت میں ایک ملی جلی میراث چھوڑی: ان کے عزم کی تعریف کی گئی لیکن سمجھوتہ کرنے سے انکار کرنے پر تنقید کی گئی، جس کی وجہ سے وہ اکثر ملکی اور بین الاقوامی سطح پر الگ تھلگ رہ جاتی تھیں۔

خالدہ ضیا کے بیٹے، 60 سالہ طارق رحمان، جو طویل عرصے سے ان کے سیاسی وارث کے طور پر دیکھے جاتے ہیں، نے بھی کہا ہے کہ وہ انتخابات میں حصہ لیں گے۔

بنگلہ دیش میں طارق ضیا کے نام سے جانے جانے والے رحمان، طویل عرصے بعد 25 دسمبر کو لندن میں وطن واپس پہنچے تھے۔

شیخ حسینہ کے زوال کے بعد، انہیں خلاف سنگین ترین الزام سے بری کر دیا گیا، رحمان کو 2004 میں حسینہ کی ایک ریلی پر گرینیڈ حملے کے الزام میں عمر قید کی سزا سنائی گئی، جس کی انہوں نے ہمیشہ تردید کی۔

ان کی تصویر پارٹی بینرز پر ان کی والدہ کے ساتھ آویزاں ہے، جو بنگلہ دیش کی پائیدار سیاسی کہانی میں ایک ممکنہ نئے باب کی پیش گوئی کر رہی ہے۔