لاک ڈاؤن کی وجہ سے معاشی دباؤ محسوس کرنے والے سٹار کھلاڑی بھارتی کرکٹ حکام پر انڈین پریمیئر لیگ (آئی پی ایل) کا مختصر ورژن کروانے پر زور دے رہے ہیں۔
کرونا وبا کے پیش نظر دنیا کا امیر ترین کرکٹ ٹورنامنٹ 15 اپریل تک موخر ہے۔ خیال رہے کہ بھارت میں جاری 21 روزہ لاک ڈاؤن بھی 15 اپریل تک جاری رہنا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
پیٹرسن نے مشورہ دیا کہ اس ٹورنامنٹ کو آٹھ ٹیموں تک محدود کر کے آٹھ ہفتوں کے لیے بند دروازوں یعنی خالی میدانوں میں کھیلا جا سکتا ہے۔ 'یہ ایک ایسا طریقہ ہے جس میں فرنچائزز کو کچھ پیسہ مل جائے گا۔ اس مقصد کے لیے تین میدان منتخب کیے جا سکتے ہیں جو مداحوں کے لیے بند ہوں۔'
آئی پی ایل بھارتی کرکٹ بورڈ کے لیے منافع کمانے کا ایک بہت بڑا ذریعہ ہے۔ یہ لیگ بھارتی معیشت میں 11 ارب ڈالرز کا اضافہ کرتی ہے۔
سابق بھارتی بلے باز سنجے منجریکر کا کہنا ہے کہ یہ لیگ، جس میں بین سٹوکس، ڈیوڈ وارنر، پیٹ کمنز اور ویراٹ کوہلی جیسے کھلاڑی موجود ہیں، وائرس زدہ معیشت میں نئی جان ڈال دے گی۔
سٹوکس اور کمنز پہلے ہی آئی پی ایل میں شرکت کے لیے رضامندی ظاہر کر چکے ہیں۔
