امریکہ کے صدر ڈونلڈ ٹرمپ نے جمعرات کو اعلان کیا کہ وہ آئندہ برس ملک کے 250 ویں یوم آزادی کے موقعے پر وائٹ ہاؤس میں الٹی میٹ فائٹنگ چیمپیئن شپ (یو ایف سی) کا ایک ایونٹ منعقد کرنے کا منصوبہ بنا رہے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انہوں نے کہا ’ہم وائٹ ہاؤس کے میدان میں ایک یو ایف سی فائٹ کریں گے، سوچیں ذرا!‘ ’ہمارے پاس وہاں بہت زمین ہے۔ ہم ایک چھوٹا سا (میدان) بنائیں گے — ہم نہیں، ڈانا (وائٹ) بنائیں گے ... ہم ایک یو ایف سی فائٹ کریں گے، چیمپیئن شپ فائٹ، مکمل فائٹ، تقریباً 20-25 ہزار افراد کے ساتھ اور ہم یہ سب 250 ویں سالگرہ کا حصہ بنائیں گے۔‘
ٹرمپ یو ایف سی فائٹس کے باقاعدہ تماشائی ہیں اور حال ہی میں وہ جون میں نیو جرسی میں ہونے والے ایک مقابلے میں شریک ہوئے۔
یو ایف سی اور اس کی پیرنٹ کمپنی ٹی کے او گروپ ہولڈنگز نے فوری طور پر اس بارے میں کوئی تبصرہ نہیں کیا۔
