’بلوچستان کا حق جلد دیا جائے گا:‘ سرفراز بگٹی اور عطا تارڑ میں ایکس پر مکالمہ

وزارت اطلاعات نے تین نومبر، 2025 کو ایک نوٹیفیکیشن جاری کیا تھا جس کے مطابق وفاقی حکومت نے تین سال کی مدت کے لیے درج ذیل پانچ افراد کو پی ٹی وی کا آزاد ڈائریکٹرز مقرر کیا ہے:

1. یاسر ایس قریشی – لاہور  
2. پروفیسر ڈاکٹر اصغر ندیم سید – لاہور  
3. تسنیم رحمان – خیبرپختونخوا  
4. خالد محمود خان – اسلام آباد  
5. اشتیاق بیگ – سندھ  

بلوچستان سے کسی نام کی عدم شمولیت پر وزیر اعلیٰ بلوچستان سرفراز بگٹی نے اعتراض کرتے ہوئے ایکس (سابق ٹوئٹر) پر لکھا ’کیا ہم بلوچ خدا کے کم تر بندے ہیں؟ پاکستان کے سب سے بڑے صوبے ہونے اور بے پناہ ٹیلنٹ کے باوجود پی ٹی وی بورڈ میں بلوچستان سے ایک بھی نام شامل نہیں۔ نمائندگی کوئی احسان ہیں بلکہ حق ہے۔‘  

My dear brother, your right comes first and foremost, board is yet to be completed. This is the first phase. Names shortlisted from Balochistan had incomplete documentation due to which they couldn't be notified in this phase. At your disposal for any guidance or facilitation.… https://t.co/CxjjSPUy7r

— Attaullah Tarar (@TararAttaullah) November 6, 2025

اس ردعمل پر وفاقی وزیر اطلاعات عطا تارڑ نے سوشل میڈیا پر وضاحت دیتے ہوئے کہا ’میرے عزیز بھائی، آپ کا حق سب سے پہلے آتا ہے۔ بورڈ ابھی مکمل نہیں ہوا، یہ صرف پہلا مرحلہ ہے۔ بلوچستان سے جن ناموں کو شارٹ لسٹ کیا گیا تھا ان کے دستاویزات نامکمل تھے، جس کی وجہ سے وہ اس مرحلے میں شامل نہیں ہو سکے۔ 

 

’آپ کو ہر ممکن رہنمائی اور سہولت فراہم کی جائے گی، یقین رکھیں یہ معاملہ جلد حل کر دیا جائے گا۔‘  

 

ملک کی دو اعلیٰ حکومتی شخصیات کے یوں سوشل میڈیا پر شکایت کرنے اور اس کے وضاحت کرنے پر صارفین کا ملا جلا ردعمل آ رہا ہے۔

 

ایک صارف مرزا اسد بیگ نے لکھا ’میں کبھی بھی نامکمل بورڈ کا نوٹیفیکیشن شائع نہ کرتا۔‘

معیز نامی ایکس صارف نے عطا تارڑ کو ٹیگ کرتے ہوئے امید ظاہر کی کہ وفاق میں بلوچستان کو نظر انداز نہیں کیا جائے گا۔

ایک اور صارف جبراب خلیل جبران نے عطا تارڑ سے پوچھا کہ ایسے میں گلگت بلتستان اور کشمیر سے نمائندگی کا کیا بنے گا؟